"ဒီနေ့လုပ်တဲ့သူတွေကို ဇွန်လ (၈) ရက်နေ့မှာ ထုတ်ပေးမှာပေါ့။ အောင်ဇေယျခန်းမမှာ ယာဉ်စည်းကမ်း လမ်းစည်းကမ်း အသိပညာပေးပြီး သင်တန်းပုံစံလေးလုပ်ပြီး ထုတ်ပေးသွားမှာပါ"ဟု တာချီလိတ်ခရိုင် ကုန်းလမ်းပို့ဆောင်ရေး ညွှန်ကြားမှုဦးစီးဌာနမှ  စစ်ဆေးရေးမှူး -၂ ဦးစိုင်းဆမ်တစ်က တာချီလိတ်သတင်းအေဂျင်စီသို့ပြောသည်။

ဆိုင်ကယ်မောင်းသူတိုင်း လိုင်စင်ရှိစေရန်အတွက် ကုန်းလမ်းပို့ဆောင်ရေးညွှန်ကြားမှု ဦးစီးဌာနနှင့် ယာဉ်ထိန်းရဲတပ်ဖွဲ့တို့ ပူးပေါင်းဆောင်ရွက်ပေးနေခြင်းဖြစ်ပြီး ၂၀၁၉ ခုနှစ်၊ မေလ (၁၄) ရက်နေ့က လိုင်စင်လျှောက်ထားသူများအနေဖြင့် မေလ (၂၄)ရက်နေ့တွင် လိုင်စင်ရရှိကြမည်ဖြစ်ကြောင်း သိရသည်။

ဆိုင်ကယ်မောင်းလိုင်စင်ပြုလုပ်လိုသူများအနေဖြင့် မှတ်ပုံတင်မူရင်း၊ မိတ္တူတစ်စောင်၊ ပတ်စပို့ဓာတ်ပုံ (၃) ပုံဖြင့် လူကိုယ်တိုင်လာရောက်လျှောက်ထားနိုင်ပြီး (က-၁) လိုင်စင်ပြုလုပ်ပါက ကျပ် (၁၉,၀၀၀)၊ (က) လိုင်စင်ပြုလုပ်ပါက ကျပ် (၂၉,၀၀၀) ကျသင့်မည်ဖြစ်ကြောင်း သိရသည်။

ဆိုင်ကယ်မောင်းလိုင်စင်မရှိသူများအတွက် ရှမ်းရိုးမကွင်းတွင် စီမံချက်ဖြင့် လုပ်ဆောင်ပေးခြင်းဖြစ်ပြီး လိုင်စင်သက်တမ်းတိုးခြင်းကို ရုံးတွင်လာရောက် ဆောင်ရွက်ရမည်ဖြစ်ကြော်ငးသိရသည်။

ဆိုင်ကယ်လိုင်စင်များကိုလည်း တာချီလိတ်ခရိုင်ကုန်းလမ်းပို့ဆောင်ရေးညွှန်ကြားမှုဦးစီးဌာနရုံးတွင် နေ့ချင်းပြီး ဆောင်ရွက်ပေးနေပြီး ဆိုင်ကယ်လိုင်စင်ဆောင်သည့် သတ်မှတ်နှုန်းထားများကိုလည်း လာရောက်လေ့လာနိုင်ကြောင်း သိရသည်။

သတင်း #ဟန်စိုးထိုက်
ဓါတ်ပုံ - ကျော်ဇင်ဟိန်း