~~~~~~~~⊰❂ Unicode Version ❂⊱~~~~~~~~

မလေးရှားသို့ ခိုးဝင်မည့် မြန်မာလုပ်သား (၁၅)ဦးကို ထိုင်းနိုင်ငံအတွင်း ဖမ်းဆီးရမိ
*******
မြန်မာလုပ်သား (၁၅)ဦးကို မော်တော်ယာဉ်တစ်စီးဖြင့် မလေးရှားသို့ ခိုးသွင်းရန်ကြိုးစားစဉ်  ထိုင်းနိုင်ငံအတွင်း ဘမ်ခလမ်ခရိုင်၌ ထိုင်းရဲတပ်ဖွဲ့က ဖမ်းဆီးရမိထားပြီး လိုက်ပါပို့ဆောင်သည့် ထိုင်းနိုင်ငံသား ယာဉ်မောင်းကိုပါ ထိန်းသိမ်းထားကြောင်း သိရသည်။

လူမှောင်ခိုတင်ပို့သူများသွားရောက်မည့်သတင်းအရ ရဲတပ်ဖွဲ့က မလေးနိုင်ငံနှင့်နယ်စပ်တွင်  စောင့်ဆိုင်းဖမ်းဆီးရာ ၂၀၁၉ ခုနှစ်၊ ဧပြီလ (၃)ရက်နေ့ နံနက် (၂)နာရီဝန်းကျင်၌ အဆိုပါမော်တော်ယာဉ်ကို ဖမ်းဆီးမိခဲ့ခြင်းဖြစ်ကြောင်း သိရသည်။

တရားမဝင်မြန်မာလုပ်သားများကို ပစ်ကပ်ယာဉ်နောက်ခန်းနှင့် ယာဉ်မောင်းနောက်ခန်းတွင်လည်းကောင်း လှဲလျောင်းနေစေပြီး ဝှက်၍သယ်လာသည်ကို တွေ့ရခြင်းဖြစ်ကြောင်း သိရသည်။

ယင်းတို့အနက် မြန်မာလုပ်သား (၉)ဦးကျော်မှာ ထိုင်းနိုင်ငံ ဟတ်ယိုင်တွင် ဆောက်လုပ်ရေးလုပ်ငန်းခွင်များမှတစ်ဆင့် မလေးရှားနိုင်ငံသို့ သွားရောက်သူများဖြစ်ကြောင်း သိရပြီး စုံစမ်းမှုများ ဆက်လက်လုပ်ဆောင်နေကြောင်း သိရသည်။

လက်ရျိတွင် ဖမ်းဆီးရမိသူများအား ဘမ်ခလမ်ရဲစခန်းတွင်ထိန်းသိမ်းထားပြီး စစ်ဆေးမှုများဆက်လက်လုပ်ဆောင်နေကာ လူမှောင်ခိုကူးသည့်အဖွဲ့ကိုလည်း စုံစမ်းဖေါ်ထုတ်နေကြောင်း သိရသည်။

Tachileik News Agency
Ref:Bangkok Post