~~~~~~~~⊰❂ Unicode Version ❂⊱~~~~~~~~

ICRC မှ မြန်မာနိုင်ငံကြက်ခြေနီအသင်း မိုင်းဆတ်မြို့နယ် ကြက်ခြေနီအသင်းခွဲသို့ ကယ်ဆယ်ရေးပစ္စည်း သိုလှောင်ရုံလွှဲပြောင်း
*********
အပြည်ပြည်ဆိုင်ရာကြက်ခြေနီကော်မတီ (ICRC) က မြန်မာနိုင်ငံကြက်ခြေနီအသင်း မိုင်းဆတ်မြို့နယ် ကြက်ခြေနီအသင်းခွဲအတွက် အရေးပေါ်ထောက်ပံ့ပစ္စည်း အိမ်ထောင်စု (၃၀) စုအတွက် ထိန်းသိမ်းထားနိုင်သည့် ကယ်ဆယ်ရေးပစ္စည်း သိုလှောင်ရုံကို မိုင်းဆတ်မြို့တွင် တည်ဆောက်လွှဲပြောင်းပေးထားကြောင်း သိရသည်။

ကယ်ဆယ်ရေးပစ္စည်းသိုလှောင်ရုံလွှဲပြောင်းပေးအပ်ခြင်းကို ၂၀၁၉ ခုနှစ်၊ ဧပြီလ (၈) ရက်နေ့က ရှမ်းပြည်နယ်အရှေ့ပိုင်း မိုင်းဆတ်မြို့နယ်၌ ကျင်းပရာ မြန်မာနိုင်ငံကြက်ခြေနီအသင်း ရှမ်းပြည်နယ်အရှေ့ပိုင်း ကြက်ခြေနီကြီးကြပ်မှုကော်မတီ ဥက္ကဌ ဦးသိန်းထိုက်၊ ICRC ကျိုင်းတုံရုံးခွဲတာဝန်ခံ Mr. Ramin Hashempour၊ မြန်မာနိုင်ငံကြက်ခြေနီအသင်း မိုင်းဆတ်မြို့နယ် ကြက်ခြေနီအသင်းခွဲ ဒုဥက္ကဌ ဦးသန်းဝေတို့လည်း တက်ရောက်ကြောင်း သိရသည်။

အဆိုပါ ကယ်ဆယ်ရေးပစ္စည်းသိုလှောင်ရုံ မှာ မိုင်းဆတ်မြို့နယ်ရှိ ကြက်ခြေနီအသင်းခွဲတို့အနေဖြင့် သဘာဝဘေးအန္တရာယ်နှင့် အရေးပေါ်အခြေအနေများတွင် လူသားချင်း စာနာထောက်ထားမှုဆိုင်ရာ လုပ်ငန်းများကို ကြိုတင်ပြင်ဆင်မှုရှိစေရန်အတွက် အရေးကြုံလာပါက ချက်ချင်း တုံ့ပြန် ဆောင်ရွက်နိုင်ရန်အတွက် တည်ဆောက်ပေးခြင်းဖြစ်ကြောင်း သိရသည်။

Tachileik News Agency