~~~~~~~~⊰❂ Unicode Version ❂⊱~~~~~~~~

ထိုင်းနိုင်ငံတွင် ငါးနှစ်အရွယ်သမီးငယ်ကို ပြည့်တန်ဆာအဖြစ်စေခိုင်းနေသည့် မိခင်ဖြစ်သူအား ရဲတပ်ဖွဲ့က ဝင်ရောက်ဖမ်းဆီး
*************
ငါးနှစ်အရွယ်သမီးဖြစ်သူကို ဘတ် (၂၀၀)မှ ဘတ် (၃၀၀)အထိ အခကြေးငွေယူပြီး ပြည့်တန်ဆာအဖြစ် ခိုင်းစေနေသည့် အသက် (၂၈)နှစ်အရွယ် မိခင်ဖြစ်သူကို ထိုင်းနိုင်ငံတွင် ဖမ်းဆီးလိုက်ကြောင်း သိရသည်။

ထိုင်းရဲတပ်ဖွဲ့က ၂၀၁၉ ခုနှစ်၊ ဧပြီလ (၂၁)ရက်နေ့က ဝင်ရောက်ဖမ်းဆီးရာတွင် အဆိုပါအမျိုးသမီးနှင့်အတူ အသက် (၅၂)နှစ်အရွယ် အမျိုးသားတစ်ဦးကိုပါ ဖမ်းဆီးရမိခဲ့ပြီး ကလေးငယ်အား ထိန်းသိမ်းစောင့်ရှောက်ထားကြောင်း သိရသည်။

ရပ်ကွက်အတွင်း သီးခြားဖြစ်နေသည့် လူနေအိမ်ဝန်းအတွင်း ပစ်ကပ်ကားတစ်စီး၏ နောက်ခန်းတွင် အိပ်ရာတစ်ခုတင်ထားပြီး ကလေးငယ်အား ပြည့်တန်ဆာအဖြစ်ခိုင်းစေရာတွင် အသုံးပြုကြောင်း ရဲတပ်ဖွဲ့က စစ်ဆေးတွေ့ရှိခဲ့ကြောင်း သိရသည်။

ကလေးသူငယ်အား လိင်ကျွန်အဖြစ်ခိုင်းစေသည့် ကလေး၏မိခင်ဖြစ်သူနှင့်အတူ အသက် (၁၅)နှစ်အောက် ကလေးငယ်ကို အဓမ္မကျူးလွန်သည့် အမျိုးသားကိုပါ အရေးယူထားကြောင်းသိရသည်။

ကလေးငယ်မှာ ရဲတပ်ဖွဲ့က မကယ်တင်မီ လပေါင်းများစွာ ပြည့်တန်ဆာအဖြစ် စေခိုင်းခံခဲ့ရပြီး လက်ရှိတွင် လူမှုဖွံ့ဖြိုးရေးဌာနက စောင့်ရှောက်ပေးထားကြောင်း သိရသည်။

Tachileik News Agency
Ref: The Nation