~~~~~~~~⊰❂ Unicode Version ❂⊱~~~~~~~~

မြန်မာ - ထိုင်းနယ်စပ်ဒေသ၊ တာချီလိတ်မြို့ရှိ မီးပွိုင့်(၅)နေရာ၌ တပ်ဆင်ထားသည့် CCTV များမှာ အလုပ် မလုပ်သဖြင့် အရေးကြီးနေရာများတွင် အရည်အသွေးမြင့် CCTV များကို ကိုယ်ယူကိုယ်ထစနစ်ဖြင့် စတင်လဲလှယ် တပ်ဆင်နပြေီး စုစုပေါင်းလှူဒါန်းငွေ ကျပ်သိန်း (၂၄၀) ရရှိထားသော်လည်း တစ်မြို့လုံး ချိတ်ဆက်မည့် CCTV ကွန်ယက်လုပ်ဆောင်ရန် အစိုးရထံမှ ဘတ်ဂျက်ရရှိရန်လိုအပ်နေဆဲဖြစ်ကြောင်း သိရသည်။

“CCTV တွေ တပ်တာက ကြားဖြတ်အစီအစဉ်နဲ့ လှူတဲ့ဟာပေါ့။ ပွိုင့် (၅) ပွိုင့်မှာ အဓိကထား တပ်သွားတာပေါ့။ တစ်မြို့လုံးချိတ်ဆက်မယ့်ကွန်ယက်နဲ့ ချိတ်တာတော့ မဟုတ်ဘူး။ လောလောဆယ် ဗိုလ်ချုပ်လမ်းမကြီး တစ်လျှောက်ပေါ့။ ယာယီအစီအစဉ်အနေနဲ့ လှူဒါန်းတဲ့ဟာတွေ စတပ်တာ”ဟု တာချီလိတ်ခရိုင် အုပ်ချုပ်ရေးမှူး ဦးမြင့်နိုင်က တာချီလိတ်သတင်းအေဂျင်စီသို့ ၂၀၁၉ ခုနှစ်၊ ဖေဖော်ဝါရီလ (၂၃) ရက်နေ့က ပြောသည်။

တာချီလိတ်မြို့တွင် ယာဉ်တိုက်မှုဖြစ်ပွားပြီး ထွက်ပြေးမောင်းနှင်မှုများ နှင့် လမ်းမပေါ်တွင် သေနတ်ပစ်ခတ်မှုများအထိ ဖြစ်ပွားခဲ့ရာ မြို့လုံခြုံရေးနှင့် မှုခင်းဖော်ထုတ်ရေးအတွက် အရည်အသွေးမြှင့်သည့် CCTV များ တပ်ဆင်ထားနိုင်ရန် လိုအပ်နပြေီး လက်ရှိမြို့တွင်း မီးပွိုင့်များတွင် တပ်ဆင်ထားသည့် CCTV များမှာ မှတ်တမ်းအရည်အသွေးကောင်းမွန်ခြင်း မရှိသည့်အပြင် အလုပ် မလုပ်တော့သည့် CCTV များလည်းရှိနေသဖြင့် အသစ်လဲလှယ်တပ်ဆင်နခြေင်းဖြစ်ကြောင်း သိရသည်။

“သိန်း (၂၄၀) ထဲကမဟုတ်ဘူး။ သီးခြား ကိုစိုင်းခမ်းတို့ လှူတဲ့ဟာလေးနဲ့စတာ။ သိန်း (၂၄၀) ကမစသေးဘူး။ ကွန်ယက်နဲ့ချိတ်မယ့်ဟာက သေချာဆွေးနွေးတိုင်ပင်ပြီးမှ ရွေးချယ်ပြီးမှ စမှာ ဗိုလ်ချုပ်လမ်းမမှာက လောလောဆယ်အရေးကြီးနေလို့ လှူဒါန်းတဲ့ဟာနဲ့ အရင်စလိုက်တာ။ ဟောင်လိတ်လမ်းဆုံ၊ အာခါဈေးမီးပွိုင့်၊ တံတား(၂)၊ ရှမ်းရိုးမကွင်းရှေ့ရယ် တံတား(၁) အဝိုင်းထိပ်ပေါ့”ဟု လက်ရှိ CCTV တပ်ဆင်နေမှုအခြေအနေများကို ခရိုင်အုပ်ချုပ်ရေးမှူး ဦးမြင့်နိုင်က ရှင်းပြသည်။

CCTV ကွန်ယက် တစ်မြို့လုံး ချိတ်ဆက်နိုင်ရန် လိုအပ်သည့် ဘတ်ဂျက်ကို ပြည်နယ်အစိုးရထံ တင်ပြ ထားသော်လည်း ယခုနှစ်ဘတ်ဂျက်တွင် ချထားပေးနိုင်ခြင်း မရှိသေးသဖြင့် ကိုယ်ထူကိုယ်ထ ဆောင်ရွက်နေလျက်ရှိပြီး မှုခင်းတစ်စုံတစ်ရာဖြစ်ပေါ်သည့်အခါများတွင်လည်း မြို့လူထုအနဖြေင့် မိမိတို့နေအိမ်၊ ဆိုင်ခန်းများ၌ တပ်ဆင်ထားသည့် CCTV မှတ်တမ်းများကို လိုအပ်လာ၍ ရဲတပ်ဖွဲ့က တောင်းယူကြည့်သည့်အခါမျိုးတွင် မြို့လုံခြုံရေးအတွက် ပူးပေါင်းကူညီကြရန်ကိုလည်း တာချီလိတ်မြို့နယ်ရဲတပ်ဖွဲ့မှူးက မေတ္တာရပ်ခံထားသည်။

“ကျွန်တော်တို့ ပြည်သူတွေကို အကူအညီတောင်းခံချင်တာက ကျွန်တော်တို့ ဒီမြို့မှာဆိုရင် ဗိုလ်ချုပ်လမ်းမကြီးဘေးမှာရှိတဲ့ စတိုးဆိုင်တွေက CCTV တွေ တပ်ဆင်ထားတာတွေရှိတယ်။ သူတို့လုံခြုံရေး အတွက်ရော၊ လမ်းမပေါ်မှာ မတော်တဆမှု ဖြစ်သွားရင် သိရှိအာင်ဆိုပြီး ဆိုင်တိုင်းမှာ တပ်ဆင်ထားတာ တွေ့ရပါတယ်။ ပြီးခဲ့တဲ့ လပိုင်းတွေမှာ ဖြစ်ပွားခဲ့တဲ့ မှုခင်းတွေမှာဆိုရင် လမ်းမတန်းတွေမှာ ဖြစ်ပွားခဲ့တာဖြစ်တဲ့ အတွက်ကြောင့် CCTV မှတ်တမ်းတွပြေန်ဖတ်ဖို့ လိုအပ်တာပေါ့။ ကျွန်တော်တို့ တောင်းဆိုချင်တာက CCTV မှတ်တမ်းလေးတွေကို မြန်မာနိုင်ငံရဲတပ်ဖွဲ့အနေနဲ့ လိုအပ်တဲ့အခါ ယာဉ်ထိန်းရဲတပ်ဖွဲ့ အနေနဲ့ လိုအပ်တဲ့အခါ ကြည့်ခွင့်လေးပေးပြီးတော့ ကူညီရင် ပိုအဆင်ပြေတာပေါ့။ မီးပွိုင့်မှာရှိတဲ့ မှတ်တမ်းကိုကြည့်လို့လည်းမရဘူး။ မီးပွိုင့်နဲ့ဒီဘက်ကြားမှာရှိတဲ့ နေရာမှာဖြစ်သွားလို့ရှိရင် အဲဒီနားက ဆိုင်တွေရဲ့ CCTV မှတ်တမ်းတွေဖတ်မှသာ ပိုပြီးတော့ အဆင်ပြေတာပေါ့”ဟု တာချီလိတ်မြို့နယ်ရဲတပ်ဖွဲ့မှူး ရဲမှူးလှဦးက ပြောသည်။

လက်ရှိတွင် ရှမ်းပြည်နယ်အတွင်း၌ ပြည်နယ်အဆင့်မြို့များတွင် CCTV များ တပ်ဆင်ရန်အတွက် ပြည်နယ်အစိုးရမှ ဘတ်ဂျက်ချထားပေးခြင်းဖြစ်သော်လည်း ခရိုင်မြို့များအတွက် ဘတ်ဂျက် ချပေးရန်မှာ အစီအစဉ်ရှိသော်လည်း သတ်မှတ်ကာလမသိရသေးကြောင်း ပြည်နယ်လွှတ်တော်ကိုယ်စားလှယ် ဦးခင်မောင်တင့်ထံက သိရသည်။

သတင်း - ဟန်စိုးထိုက်
ဓာတ်ပုံ - ကျော်ဇင်ဟိန်း