~~~~~~~~⊰❂ unicode ❂⊱~~~~~~~~

"ကျွန်တော့်ပုဂ္ဂိုလ်ရေး အမြင်အရတော့ တိုက်ခိုက်နေတာထက် စာရင်တော့ အပစ်ရပ်တယ်ဆိုတာက နောက်ထပ်တိုးတက်တဲ့ ခြေလှမ်းတစ်ရပ် လှမ်းလာတယ်လို့ မြင်ပါတယ်။ ကျွန်တော်တို့ “ဝ”အဖွဲ့အနေနဲ့ ကတော့ အရင်က နပြေည်တော်မှာ ထုတ်ပြန်တဲ့စာတမ်းအတိုင်းပေါ့နော်။ လက်မှတ်ထိုးပြီးတော့ ဆွေးနွေးပြီးတော့မှ အခြေအနေ အရပ်ရပ်ကြောင့် ရှေ့ဆက်ညှိနှိုင်းလို့ မရတဲ့ အခြေအနေမျိုးကြုံခဲ့ရင် ပြန်ထွက်လို့ရနိုင်တယ်ဆိုတဲ့စာ ထုတ်ပေးနိုင်တယ်ဆိုရင်တော့ ကျွန်တော်တို့က နေမယ်။ တက်ကြွစွာ ပါဝင်မယ်ဆိုတဲ့ အခြေအနေလောက်ပဲ ကျွန်တော်သိရတယ်”ဟု UWSA/UWSP၏ လားရှိုးမြို့အခြေစိုက် ဆက်ဆံရေးရုံးတာဝန်ခံ ဦးညီရန်းက တာချီလိတ်သတင်းအေဂျင်စီသို့ ၂၀၁၈ခုနှစ် ဒီဇင်ဘာလ(၂၂)ရက်နေ့တွင် ပြောသည်။

တပ်မတော်အနဖြေင့် မြောက်ပိုင်းတိုင်း စစ်ဌာနချုပ်နယ်မြေ၊ အရှေ့မြောက်တိုင်း စစ်ဌာနချုပ်နယ်မြေ၊ အရှေ့ပိုင်းတိုင်းစစ်ဌာနချုပ်နယ်မြေ၊ အရှေ့အလယ်ပိုင်းတိုင်းစစ်ဌာနချုပ်နယ်မြေနှင့် တြိဂံဒေသတိုင်း စစ်ဌာနချုပ် နယ်မြေများရှိ NCA လက်မှတ်ရေးထိုးရန် ကျန်ရှိနေသည့် တိုင်းရင်းသား လက်နက်ကိုင် အဖွဲ့အစည်းများ အားလုံးနှင့် ပစ်ခတ်တိုက်ခိုက်မှုရပ်စဲရေးအတွက် အဖွဲ့တစ်ဖွဲ့ချင်းအလိုက် ညှိနှိုင်း ဆွေးနွေးသွားရန် စစ်ရေးဆိုင်ရာလှုပ်ရှားမှုများကို ၂၀၁၈ ခုနှစ် ဒီဇင်ဘာလ (၂၁)ရက်နေ့မှ ဧပြီလ (၃၀)ရက်နေ့အထိ ရပ်ဆိုင်းပေးမည်ဖြစ်ကြောင်း ထုတ်ပြန်လိုက်ခြင်းဖြစ်သည်။

တပ်မတော်၏ ထုတ်ပြန်ချက်ကို UN အဖွဲ့အစည်း အနဖြေင့် ကြိုဆိုလိုက်ပြီး မြန်မာ့ငြိမ်းချမ်းရေးတွင် ပါဝင်သည့် အဖွဲ့အားလုံးက အဆိုပါ(၄)လတာကာလအတွင်း ငြိမ်းချမ်းရေး အခြေအနေ တိုးတက်မှုများ အတွက် ဆောင်ရွက်နိုင်ကြမည်ဟု မျှော်လင့်ကြောင်း ဒီဇင်ဘာလ(၂၁)ရက်နေ့တွင် ထုတ်ပြန်ချက် ထုတ်ပြန်လိုက်သည်ကို တွေ့ရသည်။

KNU ကလည်း ဒီဇင်ဘာလ (၂၂)ရက်နေ့တွင် ထုတ်ပြန်ချက်တစ်စောင် ထုတ်ပြန်လိုက်ရာ တပ်မတော်၏ ထုတ်ပြန်ချက်မှာ မူဝါဒဖြေလျှော့မှုအဖြစ် ရှုမြင်ပြီး ငြိမ်းချမ်းရေးလုပ်ငန်းစဉ်အတွက် အပေါင်းလက္ခဏာ ဆောင်သည်ဟု ယူဆပြီး ရေရှည်တည်တံ့ခိုင်မြဲသည့် ငြိမ်းချမ်းရေးကို ရှေးရှုပြီး ယခုကဲ့သို့ နယ်မြေ အချို့ ချန်လှပ်ကြေညာခြင်းထက် တစ်နိုင်ငံလုံးဆိုင်ရာအပစ်အခတ်ရပ်စဲရေးကြေညာသင့်ကြောင်း တိုက်တွန်းလိုက်သည်။

RCSS ကလည်း ဒီဇင်ဘာလ (၂၂)ရက်နေ့က ထုတ်ပြန်ချက်တစ်စောင် ထုတ်ပြန်ရာတွင် တပ်မတော်၏ ထုတ်ပြန်ချက်တွင် ငြိမ်းချမ်းရေးလုပ်ငန်းစဉ်အဆင့်ဆင့်၌ အားလုံးပါဝင်နိုင်ရေး လမ်းဖွင့်ပေးထားပြီး စစ်ဘေးရှောင်များ နေရပ်ပြန်နိုင်ရေး အတွက်ပါ ထည့်သွင်းထားသည့်အပေါ် ကြိုဆိုကြောင်းနှင့် ငြိမ်းချမ်းရေးလုပ်ငန်းစဉ်တွင် ဆက်လက်ပါဝင်ဆောင်ရွက်သွားမည်ဖြစ်ကြောင်း ဖော်ပြထားသည်။

UWSA အဖွဲ့က ဒီဇင်ဘာလ (၂၂)ရက်နေ့က တပ်မတော်၏ထုတ်ပြန်ချက်ကို ကြိုဆိုကြောင်းနှင့် ရှေ့ဆက်ဆောင်ရွက်မည့် ငြိမ်းချမ်းရေးလုပ်ငန်းစဉ်များတွင် အတူပူးပေါင်းပါဝင်သွားမည်ဖြစ်ကြောင်း ထုတ်ပြန်လိုက်သည်ကို တွေ့ရသည်။

စစ်ဆင်ရေးရပ်ဆိုင်းထားသည့်နယ်မြေများတွင် အပစ်ရပ်သဘောတူစာချုပ်လက်မှတ်ရေးထိုးထားပြီး NCA မထိုးရသေးသည့် UWSA၊ NDAA၊ SSPP နှင့် KNPP အဖွဲ့များ၊ အပစ်ရပ်သဘောတူ စာချုပ်မရေးထိုးထားသည့် KIA၊ AA၊ TNLA နှင့် MNDAA အဖွဲ့တို့ ရှိနခြေင်းဖြစ်သည်။

ယင်းကာလအတွင်း တိုင်းရင်းသားလက်နက်ကိုင်အဖွဲ့များအနဖြေင့် ငြိမ်းချမ်းရေးဆွေးနွေးသွားရန်ဖြစ်ပြီး တပ်မတော်အနဖြေင့်လည်း ဒုတိယဗိုလ်ချုပ်ကြီးရာပြည့်ဦးစီးသည့် ကာကွယ်ရေးဦးစီးချုပ်ရုံး(ကြည်း)မှ အရာရှိကြီးများနှင့် သက်ဆိုင်ရာနယ်မြေအလိုက် တိုင်းမှူးများပါဝင်သော ညှိနှိုင်းဆွေးနွေးရေးအဖွဲ့များဖြင့် ဆွေးနွေးပေးသွားမည်ဖြစ်ကြောင်း ထုတ်ပြန်ထားသည်။

MNTJP၊ PSLF၊ ULA အဖွဲ့(၃)ဖွဲ့က စစ်ရေးဆောင်ရွက်မှုများ ဦးစွာရပ်တန့်ပြီး ပစ်ခတ်တိုက်ခိုက်မှု စစ်ရေးနည်းလမ်းမှအပ နိုင်ငံရေးနည်းလမ်းဖြင့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဖြစ်စဉ်တွင် ဆက်လက်ပါဝင်သွားမည်ဖြစ်ကြောင်း ၂၀၁၈ ခုနှစ်၊ ဒီဇင်ဘာလ(၁၂)ရက်နေ့က သဘောထားထုတ်ပြန်ချက်ကို ငြိမ်းချမ်းရေးကော်မရှင်က ကြိုဆိုထောက်ခံကြောင်းနှင့် နိုင်ငံရေး နည်းလမ်းအရ ဆွေးနွေးနိုင်ရေးကို ဆက်လက်ညှိနှိုင်းပူးပေါင်းဆောင်ရွက်သွားမည်ဖြစ်ကြောင်း ဒီဇင်ဘာလ(၁၂)ရက်နေ့မှာပင် ပြန်လည်ထုတ်ပြန် ကြေညာခဲ့ပြီးနောက် တပ်မတော်က စစ်ရေးရပ်ဆိုင်းပေးမည်ဖြစ်ကြောင်း ထုတ်ပြန်လိုက်ခြင်းဖြစ်သည်။

Tachileik News Agency