~~~~~~~~⊰❂ unicode ❂⊱~~~~~~~~

တိုင်းနှင့်ပြည်နယ်အလိုက် ရင်းနှီးမြုပ်နှံမှုဝင်ရောက်မှုတွင် ဇူလိုင်လအတွင်း ကယားပြည်နယ်က အဆင့်(၅) ၌ရှိနေ
**************
မြန်မာနိုင်ငံရင်းနှီးမြှုပ်နှံမှုကော်မတီက တိုင်းဒေသကြီးနှင့် ပြည်နယ်များတွင် လုပ်ဆောင်နေသော  ရင်းနှီးမြှုပ်နှံမှုလုပ်ငန်းများအပေါ် အမှတ်ပေးအကဲဖြတ်နေရာ ၂၀၁၈ ခုနှစ် ဇူလိုင်လတွင် ကယားပြည်နယ်သည် အဆင့် (၅) နေရာတွင် ရှိနေကြောင်း သိရသည်။

ကယားပြည်နယ်အတွင်း ရင်းနှီးမြှုပ်နှံမှုလုပ်ငန်းများအပေါ် အခက်အခဲမရှိစေရန် လုပ်ငန်းစတင်သည့် (၇)နှစ်ကို အခွန်ကင်းလွတ်ခွင့်ပေးထားပြီး ပြည်နယ်တွင်း ရင်းနှီးမြှုပ်နှံမှုလုပ်ငန်းများအား လိုအပ်သည်များ ပံ့ပိုးကူညီရေးနှင့် လုပ်ထုံးလုပ်နည်းနှင့်အညီဖြစ်စေရေးအတွက် ပြည်နယ်၏ ရင်းနှီး မြှုပ်နှံမှု အစည်းအဝေးအား လစဉ်ကျင်းပကာ ဖြေရှင်းဆောင်ရွက်ပေးနေကြောင်း သိရသည်။

ကယားပြည်နယ်အတွင်း ရင်းနှီးမြှုပ်နှံမှုဖိုရမ်ကို ၂၀၁၈ ခုနှစ် မေလအတွင်းကကျင်းပပြီးနောက် ပြည်နယ်တွင်း ဟိုတယ်လုပ်ငန်း (၉) ခု၊ နိုင်ငံခြားသား ရာနှုန်းပြည့် ရင်းနှီးမြုပ်နှံသည့် ဝက်မွေးမြူရေးလုပ်ငန်း (၁) ခု စုစုပေါင်း ရင်းနှီးမြုပ်နှံမှုလုပ်ငန်း (၁၀) ခုရှိလာပြီး မြန်မာနိုင်ငံသား ရင်းနှီးမြုပ်နှံမှု လုပ်ငန်း (၂)ခုနှင့် နိုင်ငံခြားသား ရင်းနှီးမြုပ်နှံမှုလုပ်ငန်း (၁)ခုတို့ကိုလည်း ရင်းနှီးမြုပ်နှံခွင့်ပြု အတည်ပြုမိန့်များ ထုတ်ပေးထားပြီဖြစ်ကြောင်း သိရသည်။
 သတင်း #ဆန်းဖြိုးထွန်း