~~~~~~~~⊰❂ unicode ❂⊱~~~~~~~~

ချင်းပြည်နယ်မြောက်ပိုင်းဒေသ၊ တီးတိန်မြို့နယ် တီးတိန်မြို့နှင့် (၁၃)မိုင်အကွာရှိ ဗော်လ်ဗူးရွာတွင် လွန်ခဲ့သည့် နှစ်ပေါင်း (၂၀၀)ကျော်ကဟု ဒေသခံများက မှတ်ယူထားသည့် ရှေးဟောင်းသင်္ချိုင်းတွင် မျိုးနွယ်စု အလိုက် ထားရှိသည့် ရုပ်ကြွင်းများမှ အရိုးခေါင်းများအား ၂၀၁၈ ခုနှစ် မတ်လ (၂၂)ရက်နေ့က တွေ့ရခြင်းဖြစ်ပါသည်။

ဆင်ကတောင်ဟု အဓိပ္ပါယ်ရသည့် သင်ပုန်းကျောက်များရှိသည့် တောင်စောင်းတွင် လိုဏ်ဂူများဖြင့် မျိုးနွယ်စု အလိုက် သိမ်းဆည်းထားသည့် အရိုးခေါင်းများအား တွေ့ရခြင်းဖြစ်သည်။

နှစ်ပေါင်း (၂၀၀)ကျော်နပြေီဖြစ်သည့် အဆိုပါ ကျေးရွာတွင် ယခင်က သေဆုံးသူများအား ကျေးရွာ အနီးတွင် ရက်ကာလကြာရှည် ထားရှိပြီးနောက် အရိုးခေါင်းများအား လူနှင့် တိရစ္ဆာန်များ ဖျက်ဆီးခံရခြင်းမှ ရှောင်ရှားနိုင်ရန် သွားလာရခက်သည့် တောင်စောင်းများ၌ လိုဏ်ဂူများဖြင့် ထိန်းသိမ်းခဲ့ကြခြင်းဖြစ်ကြောင်း ဒေသခံများထံမှ သိရသည်။

အဆိုပါ ရှေးဟောင်းသင်္ချိုင်းသို့ သွားရောက်လေ့လာလိုပါက မတ်စောက်သော တောင်နံရံဘေးမှ လူသွားလမ်းကျဉ်းလေးအတိုင်း တက်ရောက်နိုင်မည်ဖြစ်သည်။

ဓာတ်ပုံ - ချယ်ရီထိုက်