~~~~~~~~⊰❂ unicode ❂⊱~~~~~~~~

တာချီလိတ်တွင် ကျင်းပမည့် ခရီးကြမ်း ကီလို ၅၀ Mountain Bike စက်ဘီးပြိုင်ပွဲတွင် မြန်မာနှင့် ထိုင်းမှ စက်ဘီးစီးသမား ၅၀၀ ကျော်ပါဝင်မည်
*************
ရှမ်းပြည်နယ်(အရှေ့ပိုင်း) တာချီလိတ်မြို့တွင် ဒီဇင်ဘာလ (၁၇)ရက်နေ့၌ ကျင်းပမည့် ခရီးကြမ်း (၅၀)ကီလို Mountain Bike စက်ဘီးပြိုင်ပွဲသို့ မြန်မာနိုင်ငံနှင့် ထိုင်းနိုင်ငံမှ စက်ဘီးစီးသမား (၅၀၀)ကျော် ပါဝင်ဆင်နွှဲမည် ဖြစ်ကြောင်း သိရသည်။

“ထိုင်းနိုင်ငံဘက်က စက်ဘီးစီးသမား ၂၀၀ ကျော်အပါအဝင် လောလောဆယ်အထိ စာရင်းပေးထားတာ ၅၀၀ ကျော်ရှိနေပါပြီ။  အပျော်စီးစက်ဘီးသမားက ၃၀၀ ကျော်လောက်ပါမယ်ဆိုတော့ ပြိုင်ပွဲဝင်က ၂၀၀ ကျော်ရှိပါတယ်”ဟု Tachileik Mountain Bike Group ၏ ဦးဆောင်အဖွဲ့ဝင် တစ်ဦးဖြစ်သည့် ဦးကျင်လေးက တာချီလိတ်သတင်းအေဂျင်စီသို့ ပြောသည်။

ပြိုင်ပွဲအား ဒီဇင်ဘာလ(၁၇)ရက်နေ့ နံနက်(၈)နာရီတွင် တာချီလိတ်မြို့ ရှမ်းရိုးမကုန်တိုက်ရှေ့မှ စတင်တာထွက်၍ ပြိုင်ပွဲဝင်များနှင့် အလှပြစီး၍ နင်းသူအားလုံးသည် ဟောင်လိတ် မီးပွိုင့်အထိ အလှစီးနင်းကြမည်ဖြစ်ပြီး အပျော်စီးအဖွဲ့များသည် ဟောင်လိတ်မီးပွိုင့်မှ လေယာဉ်ကွင်းသွားလမ်းကြောင်းအတိုင်း  စက်မှုဇုန်ဖြတ်လမ်း မှ ၀မ်ပုံ အ.ထ.က(ခွဲ)အထိစီးနင်းကြမည်ဖြစ်ကြောင်း သိရသည်။

ပြိုင်ပွဲဝင်များအား ဟောင်လိတ်မီးပွိုင့်မှ စတင်တာလွှတ်မည်ဖြစ်ကာ တာချီလိတ် - ကျိုင်းတုံ ကားလမ်းအတိုင်း မယ်ယန်းအထိ စီးနင်း၍ ၊ မယ်ယန်းကျေးရွာ ရှိ ၀မ်ပုံလမ်းခွဲ မှ တစ်ဆင့် ဆွတ်ဆိုင်ရွာ-ဝှေလေလန်ရွာ သွားလမ်းအတိုင်း ဝမ်ပုံကျေးရွာ အ.ထ.က(ခွဲ) တွင်ပန်းဝင်ရမည်ဖြစ်ကြောင်း သိရသည်။

ဆုပေးပွဲအခမ်းအနားကိုလည်း ဝမ်ပုံကျေးရွာ အထက်တန်းကျောင်းတွင် ကျင်းပမည်ဖြစ်ကြောင်း သိရပြီး ပြိုင်ပွဲဝင်သူများကို ပြိုင်ဘီး(၅)စီး မဲဖေါက်ပေးခြင်း၊ အကျင်္ ီနှင့် ဆွဲပြားများကိုလည်း အမှတ်တရလက်ဆောင်ပေးမည်ဖြစ်ကြောငး် သိရသည်။

အပျော်တမ်း စက်ဘီးစီး ဝါသနာရှင်များ ၊ စက်ဘီးပြိုင်ပွဲဝင်မည့် စက်ဘီးအားကစားသမားများ ဒီဇင်ဘာလ(၁၇)ရက်နေ့ နံနက် (၈)နာရီ မတိုင်မီ ရှမ်းရိုးမကွင်းရှေ့သို့အရောက် စုစည်းပြီး ပြိုင်ပွဲဝင်များအနေဖြင့် ့် ရှမ်ရိုးမကွင်းထဲတွင်ပြိုင်ပွဲဝင်နံပါတ်များ ထုတ်ယူနိုင်ကြောင်း သိရသည်။

ရှမ်းပြည်နယ်(အရှေ့ပိုင်း) တာချီလိတ်မြို့တွင် ပထမဆုံး ကျင်းပမည့် ရွှေတြိဂံတိုင်း ဖိတ်ခေါ် စက်ဘီးစီး ပြိုင်ပွဲအား ပြည်နယ်အား/ကာ၊ မြန်မာနိုင်ငံစက်ဘီးစီးအဖွဲ့ချုပ်တို့ကလည်း  ပံ့ပိုးပေးထားပြီး အခမ်းအနား အပြင်အဆင်နှင့် ဒိုင်အတွက် ထိုင်းနိုင်ငံ Singha ဘီယာနှင့် ပြိုင်ပွဲအတွက် စီးပွားရေးလုပ်ငန်းရှင်များကလည်း ပံ့ပိုးပေးထားကြောင်း သိရသည်။

အဆိုပါ စက်ဘီးစီးပြိုင်ပွဲအား အားကစားနှင့် ကျန်းမာရေးဝန်ကြီးဌာနက ကြီးမှူး၍ ရှမ်းပြည်နယ် အားကစားနှင့် ကာယပညာဦးစီးဌာန၊ မြန်မာနိုင်ငံစက်ဘီးစီးအဖွဲ့ချုပ်၊ ရှမ်းပြည်နယ် စက်ဘီးဆပ်ကော်မတီ၊ Tachileik Mountain Bike Group တို့မှ ပူးပေါင်း ကျင်းပခြင်းဖြစ်ကြောင်း သိရသည်။

တာချီလိတ်မြို့မှ ပြိုင်ပွဲဝင်လိုသူများအနေဖြင့် မကာဟိုခမ်းရပ်ကွက် စာသင်ကျောင်းအနီးရှိ ရွှေဓနဆိုင်ကယ်ပြုပြင်ရေးဆိုင်တွင် ပြိုင်ပွဲဝင်စာရင်းများကို လက်ခံနေပြီး ဆက်သွယ်ရန် ဖုန်း ၀၉၅၁၁၄၈၉၅ သို့လည်း ဆက်သွယ်မေးမြန်းနိုင်မည်ဖြစ်ကြောင်း သိရသည်။

Tachileik Mountain Bike Group သည် အဖွဲ့ဝင်ပေါင်း (၇၀) နီးပါးရှိသည့် တာချီလိတ်မြို့ အခြေစိုက် စက်ဘီးစီးအဖွဲ့ဖြစ်ပြီး ယခုပြိုင်ပွဲသည် ၎င်းတို့အဖွဲ့၏ ပထမဆုံး ကျင်းပသည့်ပွဲဖြစ်ကြောင်း သိရသည်။

သတင်း - #ချယ်ရီထိုက်
ဓါတ်ပုံ #Mountain Bike