~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) တာချီလိတ်မြို့နယ်၊ ဝမ်လုံးကျေးရွာအုပ်စု၊ လွယ်စီတုံ(အောက်ရွာ) မှ မူးယစ်ဆေးဝါးရောင်းချကြောင်း သတင်းရသည့် နေအိမ်တစ်လုံးအား ဒီဇင်ဘာလ (၁၄)ရက်နေ့က ရှာဖွေရာ စိတ်ကြွရူးသွပ်ဆေးပြား (၁၂၄ )ပြားနှင့် ဘိန်းစိမ်း (၅) ဂရမ်ဖမ်းဆီးရမိကြောင်း သိရသည်။

မူးယစ်တပ်ဖွဲ့စု(၃၀) တာချီလိတ်မှ တပ်ဖွဲ့ဝင်များပါဝင်သည့် ပူးပေါင်းအဖွဲ့သည်  ဒီဇင်ဘာလ (၁၄)ရက်နေ့ နေ့လယ်က လွယ်စီတုံ(အောက်ရွာ)ရှိ ယာဖါ၏ နေအိမ်အား မူးယစ်သတင်းအရ ဝင်ရောက်ရှာဖွေရာ နေအိမ်ပိုင်ရှင် ယာဖါနှင့်အတူ မူးယစ်ဆေးသုံးစွဲရန်ရောက်နေသည့် ဌေးအောင်ဆိုသူကိုပါ တွေ့ရပြီး နေအိမ်အတွင်းမှ စိတ်ကြွရူးသွပ်ဆေးပြား (၁၂၄)ပြားနှင့် ဘိန်းစိမ်း (၅)ဂရမ်အား ဖမ်းဆီးရမိခြင်းဖြစ်ကြောင်း သိရသည်။

မူးယစ်ဆေးဝါးနှင့် မူးယစ်ဆေးအသုံးပြုသည့် ဆက်စပ်ပစ္စည်းများနှင့်အတူ တွေ့ရသည့် ယာဖါနှင့် ဌေးအောင်တို့အား တာချီလိတ်မြို့မ ရဲစခန်းတွင် မူးယစ်(ပ) ရ၇ /၂၀၁၇ ၊ မူး/စိတ် ဥပဒေ ပုဒ်မ ၁၅ / ၁၉(က) ၂၁ ဖြင့် အမှုဖွင့်ဆောင်ရွက်နေကြောင်း သိရသည်။

သတင်း #စိုင်းဇေယျာ