မြန်မာနိုင်ငံ ရင်းနှီးမြှုပ်နှံမှုဥပဒေနှင့်အညီ လုပ်ငန်းလုပ်ကိုင်နေသည့် ရင်းနှီးမြှုပ်နှံမှုလုပ်ငန်း လုပ်ကိုင်သူများ အနဖြေင့် ဝင်ငွေခွန်ကင်းလွတ်ခွင့် တင်ပြလျှောက်ထားနိုင်ကြောင်း မြန်မာနိုင်ငံရင်းနှီးမြှုပ်နှံမှုကော်မရှင်က အောက်တိုဘာလ (၁၀)ရက်နေ့တွင် ထုတ်ပြန်ကြေညာလိုက်သည်။

အမိန့်ကြော်ငြာစာအမှတ် (၈၄/၂၀၁၇ )ဖြင့် အခွန်ကင်းလွတ်ခွင့် သို့မဟုတ် သက်သာခွင့်များ လျှောက်ထားနိုင်ကြောင်း ကြေညာလိုက်ခြင်းဖြစ်ပြီး အခွန်ကင်းလွတ်ခွင့် (သို့မဟုတ်) သက်သာခွင့် လျှောက်ထားလွှာအား အဆိုပြုချက် (သို့မဟုတ်) အတည်ပြုလျှောက်ထားလွှာနှင့်အတူ တင်ပြလျှောက်ထားနိုင်ပြီး ခံစားလိုသည့် အခွန်ကင်းလွတ်ခွင့် (သို့မဟုတ်) သက်သာခွင့်ကို လျှောက်လွှာတွင် တိကျစွာ ဖော်ပြပေးရမည်ဖြစ်ကြောင်း သိရသည်။

မြန်မာနိုင်ငံ ရင်းနှီးမြှုပ်နှံမှုဥပဒေအရ ရင်းနှီးမြှုပ်နှံမှု အမျိုးအစားများ သတ်မှတ်ခွင့်ပြုထားရာတွင် နိုင်ငံတော်အတွက် မဟာဗျူဟာအရ အရေးပါသော ကဏ္ဍများတွင် ရင်းနှီးမြှုပ်နှံမှုပမာဏ ဒေါ်လာသန်း (၂၀) ကျော်ခြင်း၊ အစိုးရပိုင်မြေ (သို့မဟုတ်) ပိုင်ဆိုင်မှုပစ္စည်းအား အသုံးပြုသော ဒေါ်လာသန်း (၂၀) ကျော်သည့် ရင်းနှီးမြှုပ်နှံမှုလုပ်ငန်းများ၊ နယ်စပ်မျဉ်းတစ်လျှောက် (သို့မဟုတ်) ပဋိပက္ခဖြစ်ပွားနေသည့် ဧရိယာအတွင်း (သို့မဟုတ်) နိုင်ငံ၏နယ်စပ်ဖြတ်ကျော် ရင်းနှီးမြှုပ်နှံခြင်းတွင် နိုင်ငံခြားရင်းနှီးမြှုပ်နှံမှုနှင့် နိုင်ငံသား ရင်းနှီးမြှုပ်နှံသူ၏ ဒေါ်လာ (၁) သန်းကျော်သော ရင်းနှီးမြှုပ်နှံမှုလုပ်ငန်း၊ တိုင်းဒေသကြီးနှင့် ပြည်နယ်တစ်ခုနှင့်တစ်ခု ဖြတ်ကျော်၍ ရင်းနှီးမြှုပ်နှံခြင်း၊ မြေဧက (၁၀၀၀) ထက်ပိုသောမြေပေါ်တွင် စိုက်ပျိုးရေးလုပ်ငန်းလုပ်ကိုင်ခြင်းနှင့် မြေဧက (၁၀၀) ထက်ပိုသောမြေပေါ်တွင် စိုက်ပျိုးရေးမဟုတ်သည့် အခြားလုပ်ငန်းများတွင် ရင်းနှီးမြှုပ်နှံခြင်းတို့အတွက် ခွင့်ပြုမိန့်ဖြင့် လုပ်ကိုင်ရခြင်းဖြစ်ကြောင်း သိရသည်။

မြန်မာနိုင်ငံ ရင်းနှီးမြှုပ်နှံမှုကော်မရှင်၏ ခွင့်ပြုမိန့်ရယူထားခြင်းမရှိဘဲ လုပ်ငန်းဆောင်ရွက်နေသည့် ရင်းနှီးမြှုပ်နှံမှုလုပ်ငန်းများအနဖြေင့် ဥပဒေနှင့်အညီ အတည်ပြုမိန့်ကိုလည်း လျှောက်ထားနိုင်ပြီး အဆိုပါလုပ်ငန်းများအနဖြေင့် အတည်ပြုမိန့်ရသော်လည်း ဝင်ငွေခွန် ကင်းလွတ်ခွင့် လျှောက်ထားခွင့်ရှိမည်မဟုတ်ကြောင်း သိရသည်။

သတင်း #နန်းဟွမ်ခမ်း