~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း) တာချီလိတ်မြို့တွင် ပထမဆုံး ကျင်းပမည့် ရွှတြေိဂံတိုင်း ဖိတ်ခေါ် စက်ဘီးစီး ပြိုင်ပွဲအား ၂၀၁၇ခုနှစ် ဒီဇင်ဘာလ (၁၇)ရက်တွင် ကျင်းပသွားမည်ဖြစ်ရာ မြန်မာတစ်နိုင်ငံလုံးမှ စိတ်ဝင်စားသူများ ဆက်သွယ်နိုင်ပြီး ထိုင်းနှင့် လာအိုနိုင်ငံများမှလည်း ပြိုင်ပွဲဝင်များ ဖိတ်ခေါ်ထားကြောင်း သိရသည်။

“တာချီလိတ်မှာ ပထမဆုံး ကျင်းပမယ့်ပွဲဖြစ်လို့ သေသေချာချာ စီစဉ်နေပါတယ်။ ပြိုင်ပွဲကျင်းပဖို့အတွက် ရှမ်းပြည်နယ် အစိုးရဆီမှာလည်း ခွင့်ပြုချက်တင်ထားပြီး ပြည်နယ်အစိုးရက ပြည်နယ်အား/ကာကနေ ကျပ် (၁၅)သိန်း ပံ့ပိုးပေးပါတယ်။ မြန်မာနိုင်ငံစက်ဘီးစီးအဖွဲ့ချုပ်က ဆုကြေးငွေတွေ ချီးမြှင့်ပေးမှာဖြစ်ပြီး စက်ဘီးနှစ်စီးလည်း ပံ့ပိုးပေးထားပါတယ်။ အခမ်းအနား အပြင်အဆင်နဲ့ ဒိုင်ကိုတော့ ထိုင်းနိုင်ငံ Singha ဘီယာခြံက စပွန်ဆာပေးမှာပါ။ အခမ်းအနားပြင်ဆင်တာကို သူတို့ လာလုပ်ပေးမယ်ပြောပါတယ်။ တာချီလိတ်မြို့မှာ အခမ်းအနား အတွက် ကုန်ကျစရိတ်ကိုတော့ စီးပွားရေးလုပ်ငန်းရှင်တွေက စပွန်ဆာယူရမှာပါ”ဟု Tachileik Mountain Bike Group၏ ဦးဆောင်အဖွဲ့ဝင် တစ်ဦးဖြစ်သည့် ဦးကျင်လေးက တာချီလိတ်သတင်းအေဂျင်စီသို့ ပြောသည်။

အဆိုပါ စက်ဘီးစီးပြိုင်ပွဲအား အားကစားနှင့် ကျန်းမာရေးဝန်ကြီးဌာနက ကြီးမှူး၍ အားကစားနှင့် ကာယပညာဦးစီးဌာန၊ မြန်မာနိုင်ငံစက်ဘီးစီးအဖွဲ့ချုပ်နှင့် Tachileik Mountain Bike Group တို့မှ ပူးပေါင်း ကျင်းပခြင်းဖြစ်ကြောင်း သိရသည်။

စက်ဘီးစီးပြိုင်ပွဲတွင် ပြိုင်ပွဲဝင်များအပြင် အပျော်စီးအဖွဲ့များကိုလည်း လက်ခံသွားမည်ဖြစ်ပြီး တာချီလိတ် - မိုင်းဖုန်းခရီးစဉ်အား ပြိုင်ပွဲဝင်လမ်းကြောင်းနှင့် အပျော်စီးအဖွဲ့လမ်းကြောင်း နှစ်ခုခွဲထားကြောင်း သိရသည်။

“ပြိုင်ပွဲနေ့မှာ ရှမ်းရိုးမကွင်းကနေ ရှမ်းယဉ်ကျေးမှုရိုးရာအက အိုးစည်ဗုံမောင်းနဲ့ အခမ်းအနားကို စလွှတ်မှာ။ အားလုံး အလှစီးထွက်သွားပြီးရင် ဟောင်လိတ်မီးပွိုင့်ရောက်တာနဲ့ အပျော်စီးအဖွဲ့က လေယာဉ်ကွင်းကနေ စက်မှုဇုန်ပတ်မယ်။ ပြီးတော့ ဇွဲသာယာမှာဆုံးမယ်။ နှစ်လမ်းကွဲသွားမယ်။ ပြိုင်တဲ့အဖွဲ့က မယ်ယန်းကနေ ပြန်လှည့်ဝင်ပြီး မိုင်းဖုန်း ဇွဲသာယာမှာ ခရီးစဉ်ဆုံးမယ်”ဟု Tachileik Mountain Bike Group၏ ဦးဆောင် အဖွဲ့ဝင်တစ်ဦးဖြစ်သည့် ဦးကျင်လေးက ပြောသည်။

တာချီလိတ်မြို့မှ ပြိုင်ပွဲဝင်လိုသူများအနဖြေင့် မကာဟိုခမ်းရပ်ကွက် စာသင်ကျောင်းအနီးရှိ ရွှေဓနဆိုင်ကယ်ပြုပြင်ရေးဆိုင်တွင် ပြိုင်ပွဲဝင်စာရင်းများကို လက်ခံနပြေီး ဆက်သွယ်ရန် ဖုန်း ဝ၉၅၁၁၄၈၉၅ သို့လည်း ဆက်သွယ်မေးမြန်းနိုင်မည်ဖြစ်ကြောင်း သိရသည်။
Tachileik Mountain Bike Group သည် အဖွဲ့ဝင်ပေါင်း (၇၀) နီးပါးရှိသည့် တာချီလိတ်မြို့ အခြေစိုက် စက်ဘီးစီးအဖွဲ့ဖြစ်ပြီး ယခုပြိုင်ပွဲသည်၎င်းတို့အဖွဲ့၏ ပထမဆုံး ကျင်းပသည့်ပွဲဖြစ်ကြောင်း သိရသည်။

သတင်း - #ချယ်ရီထိုက်