တာချီလိတ်၊ မေလ(၁၃)
မြန်မာ - ထိုင်း နယ်စပ်မြို့ဖြစ်သည့် တာချီလိတ်မြို့၏ ရွှေဈေးကွက်အတွင်း မေလ ပထမအပတ်တွင်း ရွှေတစ်ဘတ်သားလျှင် ဘတ်(၈၀၀)(ကျပ် ၂၀၀၀၀ ကျော် ) နီးပါးအထိ ဈေးတက်လာကြောင်း ရွှေရောင်းဝယ်လုပ်ကိုင်သူများထံမှ သိရသည်။
တာချီလိတ်မြို့တွင် ဧပြီလ (၂၆)ရက်နေ့က ရွှေတစ်ဘတ်သားကို (၂၁၅၀၀)ဘတ်ရှိပြီး ဧပြီလ (၂၉)ရက်နေ့မှာ ရွှေတစ်ဘတ်သား (၂၁၈၅၀)ဘတ်၊ မေလ(၉)ရက်နေ့တွင် (၂၂၂၅၀)ဘတ်အထိ ဈေးတက်လာပြီး မေလ(၁၂)ရက်နေ့က (၂၂၁၀၀)ဘတ်ဖြင့် အနည်းငယ်ပြန်ကျလာခြင်းဖြစ်သည်။
“ရွှေဈေးက ဧပြီလနောက်ဆုံးပတ်ကနေ အခု မေလ ပထမပတ်အတွင်း တစ်ဘတ်သားကို (၈၀၀)ဘတ်လောက် တက်လာတယ်။ ဒါတောင်အခုနည်းနည်း ပြန်ကျသွားတယ်။ ရွှေဈေးတွေတက်လာလို့ ရွှေဝယ်သူ နည်းသွားတာတော့ မရှိဘူး။ ဒါပေမဲ့ အခုလထဲမှာတော့ အရောင်းဝယ် နည်းနည်းအေးတယ်။ ရွှေဈေး တက်လို့တော့ မဟုတ်ဘူး။ ဒေသအတွင်း စီးပွားရေး အခြေအနေကြောင့် အရောင်းဝယ် ပါးတာပဲဖြစ်တယ်။”ဟု နန်းရွှေကျင်း ရွှေဆိုင်ပိုင်ရှင် ကိုစိုင်းစွမ်းဝဒ်က ဆိုသည်။
တာချီလိတ်မြို့ရွှေဈေးနှုန်းမှာ ကမ္ဘာ့ရွှေဈေးနှုန်းပေါ်မူတည်၍ နေ့စဉ်ပြောင်းလဲလေ့ရှိပြီး ဈေးကွက် အရောင်းအ၀ယ် အခြေအနေမှာ ပြည်တွင်းမှ ရွှေ့ပြောင်းလာရောက် အလုပ်လုပ်ကိုင်သူများ အပေါ်တွင်လည်း မူတည်နေကြောင်း သိရသည်။
