စကော့တလန်နိုင်ငံမှ သဘာဝပတ်ဝန်းကျင်ထိန်းသိမ်းရေး ပညာရှင်(၂)ဦးသည် အသက်(၁၂)နှစ်အောက် ကလေးငယ်များကို သဘာဝပတ်ဝန်းကျင်အား ချစ်ခင်နှစ်သက်စေရန် ထိုင်းရိုးရာ တုတ်ထိုး ရုပ်သေး အကဖြင့် တာချီလိတ်၊ ၀မ်မိုင် အခြေခံပညာမူလတန်းကျောင်းတွင် မတ်လ ဒုတိယပတ်အတွင်းက သင်ကြားပြသခဲ့သည်။
“ကျွန်တော်တို့ အာရှဒေသကို အဓိကထား လာလုပ်တယ်ဆိုတာ ဒီဒေသမှာ သဘာဝပတ်ဝန်းကျင် ထိခိုက်မှုက ဥရောပမှာ လောက်မရှိဘူး၊ ထိန်းသိမ်းဖို့ အရေးတစ်ကြီးလိုနေပြီ၊ နောက်ပြီး ကလေးတွေဆိုတာ အနာဂတ်ကို လက်ဆင့်ကမ်းမယ့် မျိုးဆက်တွေ သူတို့က Open Mind သင်သမျှ တတ်တယ် ဒါကြောင့် ကလေးတွေကို အဓိကထားပြီး သင်ကြားပေးတာပါ”ဟု စကော့တလန်မှ သဘာဝပတ်ဝန်းကျင် ထိန်းသိမ်းရေး ပညာရှင် Mr Richard Struthers မှ တာချီလိတ်အွန်လိုင်းသို့ ပြောပြသည်။
သဘာဝပတ်ဝန်းကျင် ထိန်းသိမ်းရေးလုပ်ငန်းအား ထိုင်းနိုင်ငံအတွင်း (၂)နှစ်ကျော်ခန့် လုပ်ဆောင်ခဲ့ပြီး
အဓိကအားဖြင့် ကျောင်းများတွင် ကလေးငယ်များအား ဇာတ်လမ်း၊ ပုံပြင်များအား သဘာဝပတ်ဝန်းကျင်နှင့် သက်ဆိုင်မှုရှိရန် ထည့်သွင်းထားပြီး ရုပ်သေးအကဖြင့် သင်ကြားပြသကာ မိဘများအား ပြန်လည် ဖျော်ဖြေမှုများပြုလုပ်ခြင်းဖြစ်ကြောင်း နှင့် ၎င်းတို့နှစ်ဦးမှာ ပင်စင်စားများဖြစ်ပြီး မည်သည့်အဖွဲ့အစည်း NGO၏ အထောက်ပံ့မှ ယူဆောင်ခြင်းမရှိကြောင်း ၎င်းတို့ငွေကြေးဖြင့် လိုက်လံ သင်ကြားပေးခြင်း ဖြစ်ကြောင်း သိရှိရသည်။
“သမီးတို့ကို စက္ကူနဲ့ အရုပ်လုပ်နည်းတွေ၊ တုတ်ထိုးရုပ်နဲ့ ဖျော်ဖြေရတဲ့ ပုံတွေသင်ပေးတာ၊ အစုအဖွဲ့ လိုက်လုပ်ဆောင် တတ်လာတယ်၊ တစ်ယောက်နဲ့တစ်ယောက် ပိုပြီး နားလည်မှုရှိလာတယ်၊ သဘာဝပတ်ဝန်းကျင် ပျက်စီးရင် တိရိစ္ဆာန်တွေနဲ့ လူတွေ ဒုက္ခရောက်မယ်ဆိုတာ သိလာတယ်”ဟု ၀မ်မိုင် မူလတန်းကျောင်းမှ ပါဝင်သင်ကြားနေသော ကျောင်းသူတစ်ဦးမှပြောသည်။
တာချီလိတ်ဒေသအတွင်း သဘာဝပတ်ဝန်းကျင် ပျက်စီးမှုကြောင့် နှစ်စဉ် ရေကြီးမှုကြုံနေရပြီး ပျက်စီးဆုံးရှုံးမှုများ ဖြစ်ပေါ်နေလျှက်ရှိကြောင်း သဘာဝပတ်ဝန်းကျင် ပျက်စီးလျှင် ဂေဟစနစ်ပါ ပျက်စီးကြောင်း၊ တိရိစ္ဆာန် မျိုးစိတ်များနှင့် လူနေမှုပတ်ဝန်းကျင် ပျက်စီးမှုများဖြစ်ပေါ်မှုကြောင့် ဆုံးရှုံးမှုများစွာ ဖြစ်ပေါ်ကြောင်း၊ တာချီလိတ်မြို့သည် ဖွံ့ဖြိုးတိုးတက်သော်လည်း သဘာဝပတ်ဝန်းကျင် ပျက်စီးမှုကြောင့် နှစ်စဉ်ဆုံးရှုံးမှုများ ဖြစ်ပေါ်လျှက်ရှိကြောင်း ဒေသခံများမှသိရသည်။
“အနာဂတ်ကို ပိုင်ဆိုင်မယ့် ကလေးတွေကို သဘာဝပတ်ဝန်းကျင် အကြောင်းလာရောက်သင်ကြားပေးတာ
တကယ်ကောင်းပါတယ်၊ ကျွန်မတို့လဲ ၀ါသနာပါလို့ တစ်နေကုန်လာပြီး ကူညီပေးနေတာ”ဟု သင်ကြားပြသရေးတွင် ဘာသာပြန်အဖြစ် ၀င်ရောက် ကူညီဆောင်ရွက်နေသူ မနန်းအိအိဖြူမှပြောသည်။
