ရှမ်းပြည်နယ်အရှေ့ပိုင်း၊ နယ်စပ်ဒေသမြို့ဖြစ်သည့် တာချီလိတ်မြို့ရှိ မိုင်းကိုးကျေးရွာအုပ်စု၊ ကော်မလိတ်ရွာ၊ နာတာကျိုရွာ၊ မနော်ရွာ ၊ ရွာ( ၅ )ရွာသို့ စစ်ဗျူဟာအဖွဲ့(အခြေချ)တာချီလိတ် စစ်ဗျူဟာမှူး ဗိုလ်မှူးကြီးဇော်နိုင်ဦး၊ ခရိုင်လ၀ကမှူး ဒုတိယညွန်ကြားရေးမှူး ဦးကျော်စွာလွင်နှင့် မြို့နယ်ရဲတပ်ဖွဲ့မှူး ရဲမှူး သိန်းထွန်းဦးတို့ ဦးဆောင်သည့် ခရိုင်/မြို့နယ်အဆင့် ဌာနဆိုင်ရာ အရာရှိများ ပါဝင်သည့် နယ်မြေဖွံ့ဖြိုးရေးလုပ်ငန်း ဆောင်ရွက်သည့်အဖွဲ့သည် ယနေ့ သြဂုတ်လ(၃)ရက်နေ့တွင် ရွာ(၅)ရွာ၌ တပ်မတော် နယ်လှည့် ဆေးကုသရေးအဖွဲ့နှင့်မြို့နယ်ကျန်းမာရေးဌာနမှ အဖွဲ့များ ပူးပေါင်းကာ ဆေးဝါးကုသပေးခြင်း နှင့် မှတ်ပုံတင်/အိမ်ထောင်စုစာရင်းပြုလုပ်ပေးခြင်း အပြင် စိုက်ပျိုးမွေးရေးလုပ်ငန်းကိစ္စရပ်များအား ပူးပေါင်း ဆောင်ရွက်ခဲ့ကြကြောင်း သိရသည်။
စစ်ဗျူဟာအဖွဲ့(အခြေချ)တာချီလိတ် စစ်ဗျူဟာမှူး ဗိုလ်မှူးကြီးဇော်နိုင်ဦး ဦးဆောင်သည့် တပ်မတော် နယ်လှည့် ဆေးကုသရေးအဖွဲ့ နှင့် မြို့နယ် ကျန်းမာရေးဌာနမှအဖွဲ့များ ပူးပေါင်းကာ အဆိုပါ ကျေးရွာ(၅)ရွာမှ အမျိုးသား၊ အမျိုးသမီး စုစုပေါင်း (၂၀၈)ဦးကို ကျန်းမာရေးစစ်ဆေးပေးခြင်း နှင့် ဆေးကုသပေးခြင်းအပြင် ဆေးဝါးများထောက်ပံ့ပေးခြင်းများကို ဆောင်ရွက်ခဲ့ကြကြောင်း သိရသည်။
ဆက်လက်၍ တာချီလိတ်ခရိုင်လ၀ကမှူး ဒုတိယညွန်ကြားရေးမှူး ဦးကျော်စွာလွင်နှင့် မြို့နယ်လ၀က ဦးစီးမှူး ဦးသိန်းလွင် နှင့်အဖွဲ့သည် မိုးပွင့်အဆင့် (၆) စီမံချက်လုပ်ငန်း ကွင်းဆင်းဆောင်ရွက်ခြင်းအဖြစ် ကျေးရွာ(၅)ရွာ၌ အိမ်ထောင်စုစာရင်း နှင့် မှတ်ပုံတင် မပြုလုပ်သေးသူများကို ပြုလုပ်ပေးရာ အိမ်ထောင်စုစာရင်းဟောင်းနွမ်းနေသူများကို လဲလှယ်ပေးရာတွင် စုစုပေါင်း (၅၀)စုအား လဲလှယ် ပြုလုပ်ပေးပြီး နောက် မှတ်ပုံတင်မရှိသူ (၅၇)ဦးအား မှတ်ပုံတင်များ ပြုလုပ်ပေးခြင်းအပြင် အိမ်ထောင်စုစာရင်းထဲတွင် မထည့်သွင်းရသေးသာ မွေးတိုးအဖြစ် အယောက်(၁၀၀)ကို ထည့်သွင်းပေးခြင်း စသည်ဖြင့် ဆောင်ရွက်ခဲ့ကြကြောင်း သိရသည်။
ယင်းနောက် ကျေးရွာအတွင်း စိုက်ပျိုးရေးနှင့် မွေးမြူရေးတာဝန်ခံများမှ ကျေးရွာစိုက်ပျိုးရေးနှင့် မွေးမြူရေးဆိုင်ရာ လုပ်ငန်းများကို ဖြေရှင်းဆောင်ရွက်ပေးခြင်းအပြင် နယ်မြေဒေသဖွံ့ဖြိုးရေးလုပ်ငန်း များကို ပေါင်းစပ်၍ ဆောင်ရွက်ခဲ့ကြကြောင်း သိရသည်။
အဆိုပါပူးပေါင်းအဖွဲ့တို့သည် ပြီးခဲ့သည့် ၂၀၁၄ခုနှစ် ဇူလိုင်လ(၂၄/၂၅)ရက်နေ့များက တာချီလိတ်မြို့ လွယ်တော်ခမ်းကျေးရွာအုပ်စုရှိ ကြိုးတံတား၊ ရေပူစမ်း၊ ရွှေပြည်အေး နှင့် ရှဲညီကျေးရွာများမှ ဒေသခံတိုင်းရင်းသား ကျား(၁၇၀)ဦး၊ မ (၂၇၀)ဦး နှင့် ကလေးသူငယ် (၁၄၅)ဦး စုစုပေါင်း (၅၈၅)ဦးတို့အား ကျန်းမာရေး စစ်ဆေးပေးခြင်း နှင့် ဆေးဝါးကုသပေးခြင်းများကို ဆောင်ရွက်ပေးခဲ့ကြပြီး အဆိုပါကျေးရွာများမှ အိမ်ထောင်စု (၁၀၂၀)စုအား အိမ်ထောင်စုဇယား ပြုလုပ်ပေးခြင်းနှင့် မှတ်ပုံတင်မရှိသည့် ပြည်သူ (၂၂၀၀)ဦးအား မှတ်ပုံတင်ပြုလုပ်ပေးခြင်းများကို ဆောင်ရွက်ခဲ့ပြီးကြောင်းလည်း သိရှိရသည်။
