ရှမ်းပြည်နယ် အရှေ့ပိုင်းဒေသ တြိဂံနယ်မြေဖြစ်သော တာချီလိတ်မြို့နယ် မိုင်းဖုန်း(က)ကျေးရွာအုပ်စုရှိ ၀မ်ပုံဆိပ်ကမ်းတွင် လာအိုနိုင်ငံဘက်မှ ရောက်ရှိလာသူ မြန်မာနိုင်ငံသားတစ်ဦးထံမှ ဘိန်းဖြူ ကျပ် (၁၂၂)သိန်းကျော်ဖိုးအားံ ၀မ်ပုံ ရေကြောင်းရဲတပ်ဖွဲ့စု နှင့် မူးယစ်တပ်ဖွဲ့စု(၃၀)တာချီလိတ် တို့မှ ယနေ့ ၂၀၁၄ခုနှစ် ဇူလိုင်လ(၉)ရက် နံနက်(၉း၅၀)နာရီအချိန်ခန့်က တရားခံနှင့်အတူ ဖမ်းဆီးရရှိကြောင်း သတင်းရရှိသည်။
ဖြစ်စဉ်မှာ ရေကြောင်းရဲတပ်ဖွဲ့စု(၀မ်ပုံ)၊မဲခေါင်ရဲစခန်းမှ ရဲအုပ်တင်ဇော်ဝင်း ဦးစီးသည့်အဖွဲ့နှင့် မူးယစ်တပ်ဖွဲ့စု(၃၀)တာချီလိတ်မှ ရဲအုပ်စိုင်းနော်ဟိန်းတို့ ဦးစီးသော ပူးပေါင်းအဖွဲ့သည် မူးယစ်ဆေးဝါး သတင်းအရ မိုင်းဖုန်း(က)ကျေးရွာအုပ်စုရှိ ၀မ်ပုံဆိပ်ကမ်းတွင် စစ်ဆေးမှုများပြုလုပ်နေစဉ် လာအိုနိုင်ငံဘက်မှ ကူးတို့စက်လှေစီးပြီး ရောက်ရှိလာသူ မြန်မာနိုင်ငံသား အိုက်ဆိုဒ်အား ရှာဖွေစစ်ဆေးရာ ၎င်း၏ ခါးတွင် ပတ်ထားသော ကာကီရောင်ခါးပတ်အိတ်အတွင်းမှ ဘိန်းဖြူဘလောက်တုံး အလေးချိန်(၃၉၅)ဂရမ်ပါ (၁)တုံး နှင့် (၃၆၉)ဂရမ် ရှိ (၁)တုံး စုစုပေါင်း ဘိန်းဖြူဘလောက်တုံး (၂)တုံးကို ရှာဖွေတွေ့ရှိရာ အဆိုပါ ဘိန်းဖြူများ၏ ကာလတန်ဖိုးငွေမှာ ကျပ်သိန်းပေါင်း (၁၂၂)သိန်းကျော် ရှိကြောင်း သိရသည်။
ဆက်လက်၍ အဆိုပါ ဘိန်းဖြူများအား သယ်ဆောင်လာသူအား ၀မ်ပုံနယ်မြေရဲစခန်းမှ မယ(ပ) ၂/၂၀၁၄၊ မူး/စိတ်ပုဒ်မ ၁၅/၁၉(က)အရ အမှုဖွင့် အရေးယူ ဆောင်ရွက်ထားရှိကြောင်း သတင်းရရှိသည်။
