အမျိုးသား ဒီမိုကရေစီ အဖွဲ့ချုပ် (NLD)၏ နာယက ဦးတင်ဦး နှင့် အဖွဲ့သည် ယနေ့ ဇူလိုင်လ(၆)ရက် နံနက်(၈)နာရီအချိန်က တာချီလိတ်မြို့ မကာဟိုခမ်းရပ်ကွက်ရှိ မဟာမြတ်မုနိကျောင်းတိုက်သို့ သွားရောက်ကာ ဆရာတော် အဂ္ဂမဟာသဒ္ဓမဇောတိကဓဇ ဘဒ္ဒန္ဒပညာသာမိအား ဖူးမျှော်ကြည်ညိုပြီး လှူဘွယ်ပစ္စည်းများ ဆက်ကပ်လှူဒါန်းကာ သြ၀ါဒခံယူသည်။

ဆက်လက်၍ အဆိုပါအဖွဲ့သည် တာချီလိတ်ရွှေတိဂုံစေတီတော်သို့ သွားရောက် လှည့်လည်ဖူးမျှော်ပြီး နဂါးနှစ်ကောင်ကျောင်းတိုက်သို့ သွားရောက်ကာ အဘိဓဇ အဂ္ဂမဟာသဒ္ဓမ္မဇောတိက အဂ္ဂမဟာပဏ္ဍိတ Honorary Ph.D. နဂါးနှစ်ကောင်ဆရာတော် ဘုရားကြီး "ဘဒ္ဒန္တဓမ္မသီရိ"အား  ဖူးမျှော်ကြည်ညိုကာ လှူဘွယ်ပစ္စည်းများ ဆက်ကပ်လှူဒါန်း၍ ရေစက်ချကာ  နဂါးနှစ်ကောင်ဆရာတော် ဘုရားကြီး၏ မေတ္တာကို ခံယူခဲ့ကြသည်။

အဆိုပါ အဖွဲ့သည် တာချီလိတ်သို့ ၂၀၀၈ ဖွဲ့ စည်းပုံအခြေခံဥပဒေ ပြင်ဆင်ရေး လူထုဟောပြောပွဲအဖြစ် ၆.၇.၂၀၁၄ ရက်နေ့တွင် တာချီလိတ်မြို့၊ မကာဟိုခမ်းရပ်ကွက်အပိုင် မေဖလားဝါးကွင်းရှိ ဟုတ်တက်ဘုံကျောင်းခန်းမတွင် တက်ရောက် ဟောပြောရန်အတွက် ဇူလိုင်လ(၅)ရက် ညနေ့ပိုင်းက တာချီလိတ်သို့ ရောက်ရှိလာခဲ့ကြခြင်းဖြစ်သည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~