ယနေ့ ဇူလိုင်လ(၁၀)ရက် ည (၇း၃၀)နာရီအချိန်တွင် တာချီလိတ်မြို့ မယ်ယန်းပူးပေါင်းစစ်ဆေးရေးစခန်း၌ ကျပ်သိန်းပေါင်း (၁၁၅၀)သိန်း တန်ဖိုးရှိ အိုက်စ်[ice] (မက်သာအက်ဖီတမင်း)များကို သယ်ဆောင်လာသူနှင့်အတူ မူးယစ်တပ်ဖွဲ့စု(၃၀)တာချီလိတ်နှင့် ပူးပေါင်းအဖွဲ့မှ ဖမ်းဆီးရရှိကြောင်း သတင်းရရှိသည်။

ဖြစ်စဉ်မှာ မယ်ယန်းပူးပေါင်းစစ်ဆေးရေးစခန်းတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၊ တပ်ဖွဲ့စု(၃၀)တာချီလိတ်မှ ရဲအုပ်ရဲဝင်းထွန်း ဦးစီးသည့် ပူးပေါင်းအဖွဲ့တို့ တာဝန်ကျနေစဉ် မိုင်းကိုးကျေးရွာဘက်မှ တာချီလိတ်ဘက်သို့ အိုက်ဆိုး မောင်းနှင်လာသော ၈က/---- နံပါတ်ပါ မော်တော်ယာဉ်အား မသင်္ကာ၍ ရပ်တန့်စစ်ဆေး ရှာဖွေရာ ကားအတွင်း၌ အလေးချိန် (၅)ကီလိုရှိပြီး ကာလတန်ဖိုးငွေ ကျပ်သိန်းပေါင်း (၁၁၅၀)သိန်း ရှိသည့် အိုက်စ်[ice] (မက်သာအက်ဖီတမင်း)များကို ရှာဖွေတွေ့ရှိရကြောင်း သိရသည်။

ဆက်လက်၍ အိုက်စ်[ice] (မက်သာအက်ဖီတမင်း)များအား သယ်ဆောင်လာသူ အိုက်ဆိုး အား တာချီလိတ်မြို့မရဲစခန်းမှ မယ(ပ)၉၈/၂၀၁၄၊ မူး/စိတ်ပုဒ်မ ၁၅/၁၉(က)အရ အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~