၂၀၁၄ခုနှစ် ဇူလိုင်လ (၃)ရက်နေ့တွင် ကျရောက်မည်ဖြစ်သော အမျိုးသမီးများနေ့ကို ကြိုဆို ဂုဏ်ပြုသည့် အနေဖြင့် မြန်မာအမျိုးသမီးများနေ့ ဆိုင်းဘုတ်တင် ဖွင့်လှစ်ခြင်း အခမ်းအနားကို ယနေ့ ၂၀၁၄ခုနှစ် ဇွန်လ(၂၄)ရက် နံနက်(၇)နာရီအချိန်က တာချီလိတ်မြို့နယ်အထွေထွေအုပ်ချုပ်ရေးဦးစီးဌာနရုံးရှေ့တွင် ကျင်းပပြုလုပ်ခဲ့ကြသည်။
အဆိုပါ အခမ်းအနားတွင် ပြည်နယ်လွှတ်တော်ကိုယ်စားလှယ် ဒေါ်တင်မေထွန်း နှင့် တာချီလိတ်ခရိုင် အမျိုးသမီးရေးရာအဖွဲ့ ဥက္ကဌ ဒေါ်ဝင်းဝင်းသန့် နှင့် ဌာနဆိုင်ရာ အမျိုးသမီးဝန်ထမ်းများ၊ လူမှု့ရေးအသင်းအဖွဲ့များမှ အမျိုးသမီးများ၊ ပညာရေးဌာနမှ ဆရာမများ စသည်တို့မှ တက်ရောက်လာခဲ့ကြသည်။
ဆိုင်းဘုတ်တင် ဖွင့်လှစ်ခြင်းအဖြစ် တာချီလိတ်ခရိုင်အမျိုးသမီးရေးရာအဖွဲ့ ဥက္ကဌ ဒေါ်ဝင်းဝင်းသန့်က ဆိုင်းဘုတ်ကိုကြိုးဆွဲ၍ ဖွင့်လှစ်ပေးပြီး အမှတ်တရ ဓါတ်ပုံများ ရိုက်ယူခဲ့ကြသည်။
လာမည့် ဇွန်လ(၃၀)ရက်နေ့ ည(၇)နာရီအချိန်တွင် တာချီလိတ်ခရိုင်/မြို့နယ် အမျိုးသမီးရေးရာအဖွဲ့မှ ကြီးမှူးကျင်းပမည့် မြန်မာ့ရိုးရာ ၀တ်စားဆင်ယင် ထုံးဖွဲ့မှုပြိုင်ပွဲကို တာချီလိတ်မြို့ အောင်မြတ်ခန်းမတွင် စည်ကားသိုက်မြိုက်စွာဖြင့် ကျင်းပပြုလုပ်သွားမှာ ဖြစ်ကြောင်းလည်း သိရှိရသည်။
ပုံများကိုကြည့်ရန်
