ကရင်ပြည်နယ်၊ မြ၀တီခရိုင်၊ မြ၀တီမြို့တွင် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င်
ရောင်းဝယ်မှု တိုက်ဖျက်ရေးနေ့ အထိမ်းအမှတ် အသိပညာပေး အကြိုဟောပြောပွဲကို ယနေ့ ဇွန်လ(၁၇)ရက်၊ နံနက် (၉)နာရီခွဲ က အထက(၁) ၊ ခန်းမဆောင်၌ ကျင်းပပြုလုပ်သည်။

ရှေးဦးစွာ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဦးလှဌေး က ကျောင်းသား
ကျောင်းသူများ လူ့စွမ်းအားအရင်းအမြစ်ဖွံ့ဖြိုးတိုးတက်စေပြီး အနာဂတ်အတွက် အားထားရမည့် သားကောင်းသမီးကောင်းများဖြစ်စေရေးအတွက် စာဖတ်ရှိန်မြင့်မားရေး အကြောင်းကိုလည်းကောင်း၊ လူကုန်ကူးမှုတားဆီးကာကွယ်ရေးတပ်စုမှူးရုံး မှ တပ်စိပ်မှူး ဒုတိယရဲမှူး ကံဝင်း က လူကုန်ကူးမှုတားဆီးကာကွယ်ရေး အကြောင်းကိုလည်းကောင်း၊ အမှတ်(၃၂) မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့စု မှ ရဲမှူး အောင်စည် က မူးယစ်ဆေးဝါးအကြောင်း သိကောင်းစရာများကို လည်းကောင်း၊ ခရိုင်ကျန်းမာရေးဦးစီးဌာန မှ ဒေါက်တာဇင်လှမောင် က မူးယစ်ဆေးဝါးသုံးစွဲမှုကြောင့် ဖြစ်ပေါ်လာသည့် ဆိုးကျိုးများနှင့် ဆက်စပ်ရောဂါများအကြောင်းကိုလည်းကောင်း၊ မြို့နယ် ဥပဒေအရာရှိ ဦးစောသိန်းဖေမြင့် က မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများအန္တရာယ် တားဆီး
ကာကွယ်ရေးဆိုင်ရာ ဥပဒေ၊ နည်းဥပဒေများ၊ ပြစ်မှုပြစ်ဒဏ်များကို လည်းကောင်း၊ မြို့နယ်ရဲတပ်ဖွဲ့မှူး ရဲမှူး အောင်ငွေက မှုခင်းကျဆင်းရေးနှင့် ယာဉ်စည်းကမ်း၊ လမ်းစည်းကမ်းဆိုင်ရာ သိကောင်းစရာများကို လည်းကောင်း အသီးသီးအသိပညာပေးဟောပြောသည်။

အဆိုပါဟောပြောပွဲတွင်  ဆရာ၊ ဆရာမများနှင့် ကျောင်းသားကျောင်းသူ (၃၀၀)ခန့်တက်ရောက်ပြီး၊ ဇွန်လ (၁၇)ရက်မှ ဇွန်လ(၂၁)ရက်နေ့ အထိ အထက(၁ ၊ ၂)၊ အထကခွဲ(ရပ်ကွက်-၁)၊ အလက (၂)၊ အထက (သင်္ဃန်းညီနောင်)၊ အထက(ဝှေ့ရှမ်း)တို့တွင် အသိပညာပေးဟောပြောပွဲများ ကျင်းပပြုလုပ်သွားမည်ဖြစ်ကြောင်း သိရသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~