မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၊ တပ်ဖွဲ့စု(၃၀)တာချီလိတ်မှ ရဲအုပ် စိုင်းခမ်းစိုင်း ဦးဆောင်သည့် ပူးပေါင်းအဖွဲ့သည် တာချီလိတ်မြို့ မယ်ယန်းပူးပေါင်းစစ်ဆေးရေးစခန်း၌ ကာလတန်ဖိုးငွေ ကျပ် (၄၉)သိန်းကျော် တန်ဖိုးရှိသည့် စိတ်ကြွဆေးပြား(၁၉၈၀)ပြားကို ၂၀၁၄ခုနှစ် မေလ(၁၉)ရက် မွန်းလွဲ(၁)နာရီအချိန်က တရားခံနှစ်ဦးနှင့်အတူ ဖမ်းဆီးရရှိကြောင်း သတင်းရရှိသည်။

ဖြစ်စဉ်မှာ မယ်ယန်းပူးပေါင်းစစ်ဆေးရေးစခန်းတွင် တာချီလိတ်ဘက်မှ ကျိုင်းတုံဘက်သို့ ဒါးဝေ့xx မောင်းနှင်လာသည့် မော်တော်ဆိုင်ကယ်နှင့် ကျဟားxxx မောင်းနှင်လာသည့် မော်တော်ဆိုင်ကယ် (၂)စီးကို အဆိုပါ ပူးပေါင်းအဖွဲ့မှ မသင်္ကာ၍ ရပ်တန့်စစ်ဆေးရှာဖွေရာ ဒါဝေ့ လွယ်ထားသော ခရမ်းရောင် ဇစ်လွယ်အိတ်အတွင်းမှ Wy စာတမ်း ပန်းရောင်စိတ်ကြွဆေးပြား (၂၀၀)ပြားစီပါသည့် (၉)ထုပ်နှင့် (၁၈၀)ပြားပါသည့် (၁)ထုပ် စုစုပေါင်း စိတ်ကြွဆေးပြား (၁၉၈၀)ပြားကို ရှာဖွေတွေ့ရှိရာ အဆိုပါ ဆေးပြားများ၏ အလေးချိန်သည် (၁၉၈)ဂရမ်ရှိပြီး ကာလတန်ဖိုးအနေဖြင့် ကျပ်သိန်း(၄၉.၅)သိန်းခန့် ရှိကြောင်း သိရသည်။

ဆက်လက်၍ မူးယစ်ဆေးဝါးများနှင့်အတူ ဖမ်းဆီးရရှိသူ ဒါဝေ့xxx နှင့် စိတ်ကြွဆေးပြား ပို့ဆောင်ရောင်းချရာတွင် ပူးပေါင်းပါဝင်သူ ကျဟားxxxတို့အား တာချီလိတ်မြို့မရဲစခန်းမှ မယ(ပ)၇၂/၂၀၁၄၊ မူး/စိတ်ပုဒ်မ ၁၅/၁၉(က)/၂၁ အရ အမှုဖွင့် အရေးယူဆောင်ရွက်ထားရှိကြောင်း သတင်းရရှိသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~