ရှမ်းပြည်နယ် အရှေ့ပိုင်းဒေသ မိုင်းဖြတ်ခရိုင်၊ မိုင်းဖြတ်မြို့နယ်၊ နမ့်ပန်ကျေးရွာအုပ်စု၊ ငါးဟေကျေးရွာတွင် ပြီးခဲ့သည့် ၂၀၁၄ခုနှစ် ဧပြီလ(၉)ရက်နေ့ မွန်းလွဲ(၂)နာရီအချိန်ခန့်က မတော်တဆ မီးလောင်မှုဖြစ်ပွားရာ အိမ်ခြေ (၆၅)အိမ်ရှိသည့်အနက် အိမ်ခြေ(၆၃)အိမ်လောင်ကျွမ်းသွားရာတွင် ၀ါး/သက်ကယ်အိမ် (၅၄)အိမ်၊ ပျဉ်ကာသွပ်မိုးအိမ်( ၅)အိမ်၊ ပျဉ်ကာသက်ကယ်မိုး (၄)အိမ် လောင်ကျွမ်းခဲ့ခြင်းဖြစ်ပြီး မီးလောင်ကျွမ်းမှုကြောင့် ဟာလာဆန်စက်(၁၀)လုံး၊  ဆိုင်ကယ်(၁၂)စီး၊ သုံးဘီးဆိုင်ကယ် (၄)စီး၊  လက်တွန်းထွန်စက် (၆)စီး၊ တီဗွီ (၆)လုံး ၊ (၆)ပေစလောင်း (၁)လုံး၊ စပါးတင်း (၂၇၀၀)ခန့်  စုစုပေါင်း ခန့်မှန်းတန်ဖိုးငွေကျပ် (၁၃၄၉)သိန်းကျော် ပျက်စီးဆုံးရှုံးခဲ့သည်ဖြစ်ရာ ယခုအခါမှာ အဆိုပါကျေးရွာအား ပြန်လည်ထူထောင်ရေးအတွက် အကူအညီများ လိုအပ်နေကြောင်း သိရသည်။

ထိုသို့ လှူဒါန်းရာတွင် မဇ္ဈိမလူမှုကူညီရေးအသင်း(တာချီလိတ်)မှ ဥက္ကဌ ဦးတင့်ဆွေ၊ အတွင်းရေးမှူး ဒေါ်သန်းသန်းဌေး အပါအ၀င် အသင်းသား/သူ (၁၉)ဦးတို့မှ ထိုင်းဘတ်ငွေ (၁၁၇၄၈၀)ဘတ် တန်ဖိုးရှိသည့် ပေါက်ပြား (၆၅)လက်၊ ဓား (၆၅)လက်၊ ရေပိုက်(၁၀၀)၊ ရေဆွဲပုံး (၆၅)ပုံး၊ ရေခွက် (၆၅)ခွက်၊ ခေါင်းအုံး (၁၄၅) လုံး၊ ခြုံစောင်(၆၅) ထည်၊ မျက်နှာသုတ်ပ၀ါ (၆၅)ထည်၊ ဆိုင်းငံ့အ၀တ်အထည် (၁၀၀၀) တို့ကို မီးဘေးသင့် ကျေးရွာသူ၊ ကျေးရွာသားများထံ လက်ဝယ်အရောက် ပေးအပ်ထောက်ပံ့လှူဒါန်းခဲ့ကြကြောင်း သိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~