အဆိုပါ စာချုပ် ချုပ်ဆိုမှု အခမ်းအနားတွင် တာချီလိတ်မြို့ မီးလင်းရေးကော်မတီ၏ နာယက တာချီလိတ်စစ်ဗျူဟာအဖွဲ့(အခြေချ) စစ်ဗျူဟာမှူး ဒုတိယဗိုလ်မှူးကြီး ကျော်စွာလင်းက "၂၀၀၈ခုနှစ် လျှပ်စစ်မီး မရသေးခင်ကာလက မီတာခ တစ်ယူနစ်လျှင်(၁၄)ဘတ်အထိ ပေးသုံးနေရပြီး လျှပ်စစ်ဓါတ်အား ပြည့်စုံလုံလောက်အောင် မရရှိခဲ့သည့်အတွက် အခက်အခဲများ ဖြစ်ခဲ့ကြောင်း နှင့် တြိဂံဒေသ တိုင်းစစ်ဌာနချုပ် တိုင်းမှူးကြီး၏ လမ်းညွှန်မိန့်ကြားချက်အရ Myanmar Allure Group Co.,Ltdမှ အခက်အခဲပေါင်းများစွာ၊ အရင်းအနှီးပေါင်းများစွာ နဲ့ မြန်မာ-ထိုင်း နှစ်နိုင်ငံ အကြီးအကဲများကို ညှိနှိုင်းပြီး ကြိုးပမ်းဆောင်ရွက်ပေးခဲ့သည့်အတွက် ၂၀၀၈ခုနှစ် ဧပြီလကစပြီး ထိုင်းနိုင်ငံ မယ်ဆိုင်မြို့မှ လျှပ်စစ်မီးသွယ်တန်းပေးနိုင်ခဲ့ကြောင်း စသည်ဖြင့် တာချီလိတ်မြို့တွင်း လျှပ်စစ်မီးရရှိခဲ့သည့် ကိစ္စနှင့် ပတ်သက်၍ အကျဉ်းချုပ်အမှာစကား ပြောကြားသွားသည်။
ဆက်လက်၍ Myanmar Allure Group Co.,Ltd. ၏ Managing Agent ဦးမြင့်လွင်မှ လျှပ်စစ်ဓါတ်အား တိုးချဲ့သွယ်တန်းခြင်းနှင့် ပတ်သက်၍ "တာချီလိတ်မြို့တွင်း လျှပ်စစ်မီးတရားဝင် ဆက်သွယ်သုံးစွဲခွင့်ရရှိရေးကို ထိုင်းနိုင်ငံ ဒေသအာဏာပိုင်များမှ တဆင့် ဆင့်ကဲဆင့်ကဲ ခွင့်ပြုမိန့်ရရှိဖို့အတွက် ရင်းနှီးမြုပ်နှံမှုများစွာဖြင့် အခက်အခဲများစွာနဲ့ ဆောင်ရွက်ခဲ့ရကြောင်း၊ နောက်ဆုံး ထိုင်းနိုင်ငံ လျှပ်စစ်အာဏာပိုင်အဖွဲ့နှင့် Myanmar Allure Group Co.,Ltd.တို့ တာချီလိတ်မြို့တစ်မြို့လုံးအတွက် တရားဝင်တစ်ဦးတည်းသော လျှပ်စစ်မီးဆက်သွယ်ခွင့် ကိုယ်စားလှယ် အဖြစ် ၂၀၀၈ခုနှစ် ဇန်န၀ါရီလထဲမှာ နှစ်ဖက်သဘောတူညီ စာချုပ် လက်မှတ်ရေးထိုးထားခဲ့ပြီး လျှပ်စစ်မီးရရှိအောင် ဆောင်ရွက်နိုင်ခဲ့ကြောင်းနှင့် တာချီလိတ်မြို့အတွင်း လူနေမှုစီးပွားရေးအရ တိုးချဲ့တည်ဆောက်လာသော စက်မှုလက်မှု လုပ်ငန်းများနှင့် ကျေးရွာဒေသများကို (၂၄)နာရီ လျှပ်စစ်မီး အပြည့်အ၀ ရရှိရေးအတွက် လက်ရှိ လျှပ်စစ်ဓါတ်အား သုံးစွဲနေမှုမလုံလောက်သဖြင့် ယခုလို ဒုတိယပိုင်း 8MW လျှပ်စစ်ဓါတ်အား တိုးချဲ့သွယ်တန်းခြင်းအဖြစ် သဘောတူစာချုပ်ချုပ်ဆိုခြင်းကို ဆောင်ရွက်ရတာဖြစ်ကြောင်း" ရှင်းလင်းပြောကြားသွားသည်။
ယင်းနောက် Myanmar Allure Group Co.,Ltd. နှင့် တာချီလိတ်မြို့ မီးလင်းရေးကော်မတီတို့ လျှပ်စစ်ဓါတ်အား ရောင်းဝယ်ခြင်းလုပ်ငန်း သဘောတူစာချုပ်တွင် လက်မှတ်ရေးထိုးရာ နေရာသို့ စစ်ဗျူဟာမှူး ဒုတိယဗိုလ်မှူးကြီး ကျော်စွာလင်း၊ တာချီလိတ်မြို့မီးလင်းရေးကော်မတီ ဥက္ကဌ ခရိုင်အုပ်ချုပ်ရေးမှူး ဦးသောင်းတင်ထွေး၊ Myanmar Allure Group Co.,Ltd. ၏ Managing Director ဒေါက်တာထွန်းမင်းလတ် နှင့် Myanmar Allure Group Co.,Ltd. ၏ Managing Agent ဦးမြင့်လွင်တို့မှ နေရာယူပြီး တာချီလိတ်မြို့မီးလင်းရေးကော်မတီ ဥက္ကဌ ခရိုင်အုပ်ချုပ်ရေးမှူး ဦးသောင်းတင်ထွေး နှင့် Myanmar Allure Group Co.,Ltd. ၏ Managing Agent ဦးမြင့်လွင် တို့မှ လက်မှတ်ရေးထိုးကြသည်။
လတ်တလောတွင် တာချီလိတ်မြို့မီးလင်းရေးကော်မတီမှ ၂၀၀၈ခုနှစ်မှ စ၍ ယနေ့အချိန်ထိ တာချီလိတ်မြို့ပေါ်ရပ်ကွက်များအပါအ၀င် ကျေးရွာအုပ်စုများအဖြစ် လွယ်တော်ခမ်းကျေးရွာအုပ်စု၊ မိုင်းကိုးကျေးရွာအုပ်စု၊ ဖန်မင်ကျေးရွာအုပ်စုနှင့် မိုင်းဖုန်း(ခ) ကျေးရွာအုပ်စုရှိ ကျေးရွာပေါင်း (၃၃)ရွာတို့ကို လျှပ်စစ်မီးဖြန့်ဖြူးပေးနိုင်ခဲ့ပြီး ဆက်လက်၍ ကျန်ရှိနေသေးသည့် မိုင်းဖုန်း(က)ကျေးရွာအုပ်စုနှင့် မိုင်းကိုးကျေးရွာအုပ်စုအတွင်းရှိ အချို့ကျေးရွာများသို့လည်း လျှပ်စစ်မီးဖြန့်ဖြူးပေးသွားမှာ ဖြစ်ကြောင်း သိရှိရသည်။
