ရှမ်းပြည်နယ်၊ မိုင်းဖြတ်မြို့တွင်၂၀၁၄ခုနှစ်၊ ပြည်လုံးကျွတ် လူဦးရေနှင့်အိမ်အကြောင်းအရာ သန်းခေါင် စာရင်း ကောက်ယူရေးလုပ်ငန်း  ခရိုင်အဆင့်နည်းပြသင်တန်း ဖွင့်ပွဲ အခမ်းအနားကို ယနေ့ မတ်လ(၆)ရက်  နံနက် (၉)နာရီက အခြေခံပညာအထက်တန်းကျောင်း၊ သံလွင်ခန်းမဆောင်၌ ကျင်းပပြုလုပ်ခဲ့ကြသည်။

အခမ်းအနားတွင် ခရိုင်သန်းခေါင်စာရင်းကော်မတီ ဥက္ကဋ္ဌ ကိုယ်စား ၊   ခရိုင်သန်းခေါင်စာရင်းကော်မတီ
အတွင်းရေးမှူး၊ ခရိုင်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာနမှူး ဦးစက်ရွှေ က    သင်တန်းဖွင့်လှစ်ရခြင်းနှင့် သင်တန်းသား၊ သင်တန်းသူများ လိုက်နာရမည့် စည်းကမ်းများနှင့်စပ်လျဉ်းပြီး        အဖွင့်အမှာစကားပြောကြားသည်။

ဆက်လက်၍  သင်တန်းသား၊ သင်တန်းသူများအား  သင်တန်းနှင့်ပတ်သက်သည့်  စာရွက်စာတမ်းများကို မြို့နယ်သန်းခေါင်စာရင်းကော်မတီ ဥက္ကဋ္ဌ  မြို့နယ်အုပ်ချုပ်ရေးမှူး  ဦးအောင်မြင့်ကျော် နှင့် တာဝန်ရှိသူများက  ပေးအပ်ခဲ့ပြီး ၊ သင်တန်းကာလမှာ ၆-၃-၂၀၁၄ မှ ၁၁-၃-၂၀၁၄ ရက်နေ့အထိ ဖွင့်လှစ်မည်ဖြစ်ကြောင်း သိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~