ရှမ်းပြည်နယ်(အရှေ့ပိုင်း) မိုင်းဖြတ်ခရိုင်၊ မိုင်းဖြတ်မြို့တွင် အခြေခံပညာသင်ကြားမှုနှင့် သင်ယူမှု နည်းစနစ် အတွက် အထောက်အကူဖြစ်စေပြီး၊ အရည်အသွေးရှိသော ကျောင်းသားကျောင်းသူများ ပေါ်ထွန်းကာ  လူ့စွမ်းအား အရင်းအမြစ်များ ဖွံ့ဖြိုးတိုးတက်စေရေးကို ရည်ရွယ်လျက် အခြေခံပညာအထက်တန်းကျောင်း ပညာရေး ငွေပဒေသာပင် စိုက်ထူလှူဒါန်းပွဲကို မတ်လ (၂၂)ရက်၊ နံနက်(၁၀)နာရီခွဲက မိုင်းဖြတ် အထက၊ သံလွင်ခန်းမဆောင်၌ ကျင်းပသည်။

အခမ်းအနားတွင် ရန်ကုန်မြို့နေ ဦးစိုင်းစိန်ခမ်းနွဲ့နှင့် ဒေါ်ပြည့်ပြည့်ဟိန်း ( Picturesque Myanmar  Travels & Tours Company Limited ) မိသားစုမှ မန်နေဂျင်းဒါရိုက်တာ ဦးစိုင်းစိန်ခမ်းနွဲ့က ငွေပဒေသာပင် စိုက်ထူလှူဒါန်းရခြင်းနှင့် စပ်လျဉ်းပြီး ရှင်းလင်းပြောကြားသည်။

ဆက်လက်၍ အလှူရှင်မိသားစုမှ မိုင်းဖြတ်အခြေခံပညာအထက်တန်းကျောင်းအတွက် ပညာရေး
ငွေပဒေသာပင်စိုက်ထူရန်  ငွေကျပ် သိန်း ၅၀ ကို ပေးအပ်ရာ ကျောင်းအုပ်ဆရာမကြီးက လည်းကောင်း၊     ပန်ကြူကျေးရွာ  ကုသလကောင်းကင်ဘုရားကျောင်းဓမ္မာရုံအတွက်  ဘိလပ်မြေအိတ် (၁၀၀)  ကျသင့် ငွေကျပ် ၅ သိန်းကိုပေးအပ်ရာ ဦးစိုင်းရီတစ် ကလည်းကောင်း၊  ဓမ္မဂမ္ဘီရ သာသနာ့လိုဏ်ဂူ (ခေါ်) စွမ်ဟိန်းဂူသွားလမ်း ပြုပြင်ဖောက်လုပ်ခြင်း လုပ်ငန်းအတွက်  ဘိလပ်မြေအိတ်(၁၀၀) ကျင်သင့်ငွေကျပ်  ၅ သိန်းကို ပေးအပ်ရာ မြို့နယ်အုပ်ချုပ်ရေးမှူး ဦးအောင်မြင့်ကျော် က လည်းကောင်း  အသီးသီး လက်ခံရယူသည်။ ထို့နောက်  အခြေခံပညာအထက်တန်းကျောင်းမှ ကျောင်းအုပ်ဆရာမကြီး  ဒေါ်ခင်မြသန်း က  ကျေးဇူးတင်စကားပြန်လည်ပြောကြားခဲ့ကြောင်း သိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~