ရှမ်းပြည်နယ်အရှေ့ပိုင်းဒေသရှိ တာချီလိတ်မြို့တွင် လူမှုအကျိုးပြုလုပ်ငန်းများကို အခမဲ့ စေတနာ မေတ္တာဖြင့် လုပ်ကိုင်ဆောင်ရွက်ပေးနေကြသည့် လူမှုကူညီရေးအသင်း များစွာရှိသည့်အနက် ဖေဖော်ဝါရီလ(၆)ရက် နံနက်(၉း၃၀)နာရီအချိန်က တာချီလိတ်မြို့ ဟောင်လိတ်ကျေးရွာအုပ်စု၊ အာခါဈေးအနောက်ဘက်ရှိ တည်နေရာတွင် မဇ္ဈိမလူမှုကူညီရေးအသင်းမှ အသင်းဖွဲ့စည်းမှု တစ်နှစ်ကျော်ကြာလာခဲ့ပြီးမှ အသင်း၏ ရုံးခန်းသစ်ဖွင့်ခြင်းကို အောင်မြင်စွာဖြင့် စည်ကားသိုက်မြိုက်စွာ ဖွင့်လှစ်ခဲ့ကြသည်။
ထိုသို့ ဖွင့်လှစ်ရာတွင် တာချီလိတ်ခရိုင်အုပ်ချုပ်ရေးမှူး ဦးသောင်းတင်ထွေး၊ မြို့နယ်အုပ်ချုပ်ရေးမှူး ဦးရဲထူး၊ စာရေးဆရာ ဦးဘုန်း(ဓါတု)၊ စာရေးဆရာ ညီမင်းညို နှင့် မဇ္ဈိမလူမှုကူညီရေးအသင်း ဥက္ကဌ ဦးတင့်ဆွေတို့မှ ဖဲကြိုးဖြတ်ဖွင့်လှစ်ခဲ့ကြပြီး အသင်းမိတ်ဆက်စကားကို အသင်း ဥက္ကဌ ဦးတင့်ဆွေမှ ရှင်းလင်းပြောကြားပြီး မဇ္ဈိမလူမှုကူညီရေးအသင်းအား ထောက်ပံ့ကူညီ လှူဒါန်းခဲ့ကြသော စေတနာရှင် အလှူရှင်များအား ဂုဏ်ပြုမှတ်တမ်းလွှာများကို ပေးအပ်ခဲ့ကြသည်။
အဆိုပါ ဖွင့်လှစ်ပွဲသို့ တာချီလိတ်စစ်ဗျူဟာအဖွဲ့(အခြေချ) စစ်ဗျူဟာမှူး ဒုတိယဗိုလ်မှူးကြီး ကျော်စွာလင်း၊ ခရိုင်အုပ်ချုပ်ရေးမှူး ဦးသောင်းတင်ထွေး နှင့် မြို့နယ်အုပ်ချုပ်ရေးမှူး ဦးရဲထူး ပါဝင်သည့် ခရိုင်/မြို့နယ်အဆင့်ရှိ ဖိတ်ကြားထားသော ဌာနဆိုင်ရာများအပြင် ထိုင်းနိုင်ငံ ချင်းမိုင်မြို့မှ “စေတနာ” နာရေးကူညီမှု အသင်း၊ ချင်းရိုင်းမြို့မှ ကရုဏာ နာရေးကူညီရေးအသင်း၊ မယ်ဆိုင်မြို့မှ လူမှုကရုဏာ လူမှုကူညီရေးအသင်း၊ လာအိုနိုင်ငံမှ လာအိုနိုင်ငံရောက် စေတနာရှင် မြန်မာပရဟိတ လူငယ်လေးများအသင်း၊ ရှမ်းပြည်နယ် အရှေ့ပိုင်း ကျိုင်းတုံမြို့မှ နှလုံးလှပိုင်ရှင်များ(အခမဲ့) လူမှုကူညီရေးအသင်း၊ မိုင်းဆတ်မြို့မှ မဇ္ဈိမလူမှုကူညီရေးအသင်း(ရုံးခွဲ) တို့ တက်ရောက်လာခဲ့ကြပြီး တာချီလိတ်မြို့ရှိ လူမှုကူညီရေးအသင်းများမှ အသင်းသား/သူများလည်း တက်ရောက်ခဲ့ကြသည်။
မဇ္ဈိမလူမှုကူညီရေးအသင်းအား ၁၂.၁၂.၂၀၁၂ ခုနှစ်က စတင်၍ တည်ထောင်ခဲ့တာဖြစ်ပြီး ၂၀၁၄ခုနှစ် ဖေဖော်ဝါရီလ(၆)ရက်မှ အသင်းရုံးခန်းသစ်အား ဖွင့်လှစ်နိုင်ခဲ့တာဖြစ်သလို မဇ္ဈိမလူမှုကူညီရေးအသင်းမှ မိုင်းဆတ်မြို့တွင်လည်း မဇ္ဈိမလူမှုကူညီရေးအသင်း(မိုင်းဆတ်) အမည်ဖြင့်ပင် ဖွဲ့စည်းတည်ထောင်၍ လူမှုအကျိုးပြုလုပ်ငန်းများကို ဆောင်ရွက်နေလျှက်ရှိပြီး သဘာဝဘေးအန္တရာယ် ခံစားရသူများ၊ မရှိနွမ်းပါးများအား အ၀တ်အထည်များ ထောက်ပံ့ပေးအပ် လှူဒါန်းနိုင်ရန်အတွက် "ဆိုင်းငံ့ဝတ်စုံ"အမည်ဖြင့် အကောင်အထည်ဖော် ဆောင်ရွက်နေသည့် လူမှုကူညီရေးအသင်းတစ်သင်းဖြစ်ကြောင်း သိရှိရသည်။
ပုံများကိုကြည့်ရန်
