ဖြစ်စဉ်မှာ အဆိုပါ ကွမ်းယာဆိုင်ရှိ မိသားစုမှ ချက်ပြုတ်နေသော မီးဖို၏ မနီးမဝေးတွင် ဓါတ်ဆီပုံးကြီးထဲမှ ရောင်းချရန်အတွက် ဓါတ်ဆီပုလင်းငယ်များ အတွင်းသို့ ဓါတ်ဆီများ ဖလှယ်ရာမှ ရုတ်တရက်မီးဟပ်ပြီး လောင်သွားရာ အနီးအနားရှိ လူများက ဆိုင်ခန်းအတွင်း မီးလောင်နေသော ဓါတ်ဆီပုံးကြီးအား ကားလမ်းမပေါ်သို့ အလျင်အမီ ပစ်ထုတ်နိုင်ခဲ့ပြီး ဆိုင်ခန်းအတွင်း လောင်နေသော မီးအနည်းငယ်ကို ကွမ်းယာဆိုင်ဘေးရှိ ဆိုင်ကယ်ပြင်ဆိုင်မှ ဆိုင်ကယ်ပြင်သည့် လူများက DCP မီးသတ်ဆေးဗူးဖြင့် အလျင်အမီ ငြိမ်းသတ်နိုင်ခဲ့၍ မီးဘေးအန္တရာယ်မှ ကင်းလွတ်ခဲ့ကြတာ ဖြစ်ကြောင်း သိရသည်။
"ဘယ်သူလည်းတော့ မသိဘူး မီးလောင်နေတဲ့ ဆီပုံးကို သယ်ထုတ်ပြီး လမ်းမပေါ်လွှင့်ပစ်လိုက်လို့ အဲ့လို မသယ်ထုတ်နိုင်ခဲ့ရင် ဆိုင်ခန်းတစ်တန်းလုံး မီးလောင်ကိန်းပဲ"ဟု အနီးအနားရှိ ဆိုင်ခန်းမှ ဈေးသည်တစ်ဦးက တာချီလိတ်အွန်လိုင်းသို့ ပြောပြသည်။
"မြို့တွင်းမှာ ဓါတ်ဆီရောင်းတာတွေ အလွန်အန္တရာယ်များတယ်၊ ခုလို အသေးစား ဓါတ်ဆီဆိုင်တွေအနေနဲ့ မသိသာပေမဲ့ မီးလောင်ရင်တော့ အလွန်အန္တရာယ်များတယ်လေ၊ မြို့တွင်းထဲက ဆီပန်ခ့်တွေလည်း မဖြစ်သေးလို့ ဖြစ်လိုက်ရင် တစ်မြို့လုံးပြောင်ကိန်းမို့ အလွန် အန္တရာယ်များတယ်၊ ဓါတ်ဆီရောင်းတဲ့ ဈေးသည်တွေလည်း သတိဝီရိယလေးနဲ့ လုပ်ကြရင် ကောင်းမယ်"ဟု မြို့မိမြို့ဖ တစ်ဦးမှ လည်း မီးဘေးအတွက် ဆိုးရိမ်မှုဖြင့် ပြောလာသည်။
အဆိုပါ မီးလောင်မှုကြောင့် ဓါတ်ဆီ (၃)ဂါလန် မီလောင်ကျွမ်းသွားခဲ့ရာ မီးငြိမ်းသတ်ယာဉ်(၂)စီးနှင့် မီးသတ်တပ်ဖွဲ့ဝင်များမှ DCP မီးသတ်ဆေးဗူး (၆)Kg (၂)ဗူး၊ (၃)Kg (၂)ဗူး၊ စုစုပေါင်း(၄)ဗူး သုံးစွဲ၍ ငြိမ်းသတ်ခဲ့ရကြောင်း နှင့် ထိုသို့ ဖြစ်ပွားရာသို့ ကြက်ခြေနီတပ်ဖွဲ့မှလည်း လိုအပ်သည်များကို ကူညီပေးနိုင်ရန်အတွက် ရောက်ရှိခဲ့ကြကြောင်း သိရသည်။
အဆိုပါ ဖြစ်စဉ်များနှင့်ပတ်သက်၍ ကွမ်းယာဆိုင်မှ တာဝန်ရှိသူ အား တာချီလိတ်မြို့မရဲစခန်းမှ (ပ)၁၁/၂၀၁၄၊ ပုဒ်မ(၂၈၅)ဖြင့် အရေးယူဆောင်ရွက်ထားရှိကြောင်း သိရှိရသည်။
