ယနေ့ ဒီဇင်ဘာလ(၂၀)ရက်နေ့ နံနက် (၉)နာရီအချိန်တွင် တာချီလိတ်မြို့နယ် ဆန်ဆိုင်း အခြေခံပညာအထက်တန်းကျောင်း၌ (၆၆)နှစ်မြောက် လွတ်လပ်ရေးနေ့အား ကြိုဆိုဂုဏ်ပြုသော အားဖြင့် အကြိုဟောပြောပွဲအား ကျင်းပပြုလုပ်ခဲ့ကြသည်။

ထိုသို့ ပြုလုပ်ရာတွင် အဖွင့်အမှာစကားအား ကျောင်းအုပ်ဆရာကြီး ဦးဝင်းမြင့် မှ ပြောကြားခဲ့ပြီး မြန်မာနိုင်ငံ စာရေးဆရာအသင်းဝင်၊ တာချီလိတ်စာရေးဆရာအသင်း အဖွဲ့ဝင်များဖြစ်သော ဦးမြင့်ဝင်းလှ(မြတ်မျိုးမြင့်မာန်)နှင့် ဦးစိုးစိုး (စိုးဦး-ပြန်ဆက်)တို့က လွတ်လပ်ရေးနေ့ဆိုင်ရာ သိကောင်းစရာများ၊ မြန်မာလွတ်လပ်ရေး ကြိုးပမ်းမှုသမိုင်းတို့အား ဟောပြောခဲ့ကြသည်။

တာချီလိတ်မြို့နယ် စာရေးဆရာအသင်းမှ စာရေးဆရာများသည် ဒီဇင်ဘာလ(၁၉)ရက်နေ့က တာချီလိတ်မြို့နယ် မိုင်းကိုးအ.ထ.ကတွင် ဟောပြောခဲ့ကြကြောင်းနှင့် ဒီဇင်ဘာ(၂၁)ရက်နေ့တွင် ရွှေမဟာကိုယ်ပိုင် အထက်တန်းကျောင်းတွင်လည်းကောင်း၊ ဒီဇင်ဘာ(၂၃)ရက်နေ့တွင် အထက -တာချီလိတ်တွင် လည်းကောင်း လွတ်လပ်ရေးနေ့အကြို ဟောပြောပွဲများကို ကျောင်းသားလူငယ်များ လွတ်လပ်ရေးနေ့၏  အနှစ်သာရကို နားလည်ခံယူနိုင်ရေးအတွက် ဆက်လက် ဟောပြောသွားမည် ဖြစ်ကြောင်း သိရှိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~