မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့၏ တပ်ဖွဲ့စု(၃၀)တာချီလိတ် ပါဝင်သော ပူးပေါင်းအဖွဲ့မှ ၂၀၁၃ခုနှစ် ဒီဇင်ဘာလ (၂)ရက်နေ့ နံနက် (၇)နာရီအချိန်ခန့်က တာချီလိတ်မြို့ ဆန်ဆိုင်း(ခ)ရပ်ကွက်၊ ၀မ်မိုင်ကျေးရွာ၊ (၅)လမ်းရှိ အိမ်အမှတ် (၁---)၌ စိတ်ကြွဆေးပြားများ ဖမ်းဆီးသိမ်းဆည်းရမိကြောင်း သတင်းရရှိသည်။
ဖြစ်စဉ်မှာ အဆိုပါ ပူးပေါင်းအဖွဲ့တို့သည် မူးယစ်ဆေးဝါးသတင်းအရ ဆန်ဆိုင်း(ခ)ရပ်ကွက်၊ ၀မ်မိုင်ကျေးရွာ၊ (၅)လမ်းရှိ အိမ်အမှတ် (၁---) အိုက်xxx၏ နေအိမ်အား ၀င်ရောက်ရှာဖွေရာ အိုက်xxxအား စိတ်ကြွဆေးပြား (၅၀၃)ပြား နှင့်အတူ ဖမ်းဆီးရမိ၍ ကွင်းဆက်ဖော်ထုတ် စစ်ဆေးချက်အရ မူးယစ်ဆေးဝါးများနှင့် ပတ်သက်၍ ဆန်ဆိုင်း(ခ)ရပ်ကွက်၊ (၅)လမ်း၊ အိမ်အမှတ် (၆/---) သို့  မောင်မြင့်၏ နေအိမ်သို့ သွားရောက်၍ ဆက်လက် ရှာဖွေရာ စိတ်ကြွဆေးပြား (၂)ပြားနှင့် အတူ မောင်မြင့်xxxအား တွေ့ရှိရ၍ ထပ်မံဖမ်းဆီးရမိကြောင်း သိရသည်။

ဆက်လက်၍ စိတ်ကြွဆေးပြား (၅၀၃)ပြား နှင့်အတူ တွေ့ရှိရသည် အသက်(၄၉)နှစ်ရှိ အိုက်xxx အား တာချီလိတ်မြို့မရဲစခန်းမှ မယ(ပ)၁၅၉/၂၀၁၃၊ မူး/စိတ်ပုဒ်မ ၁၅/၁၉(က)/၂၁ နှင့် စိတ်ကြွဆေးပြား (၂)ပြားကြောင့် ဖမ်းဆီးရမိသူ အသက် (၃၀)နှစ်ရှိ မောင်မြင့်အား  တာချီလိတ်မြို့မရဲစခန်းမှ မယ(ပ)၁၆၀/၂၀၁၃၊ မူး/စိတ်ပုဒ်မ ၁၅/၁၆(ဂ)အရ အမှုဖွင့်အရေးယူထားရှိကြောင်း သတင်းရရှိသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~