ရှမ်းပြည်နယ်(မြောက်ပိုင်း)၊ နမ့်ခမ်းမြို့နယ်အတွင်း၌ မူးယစ်တပ်ဖွဲ့စု(၂၂)မူဆယ် နှင့် နမ့်ခမ်းလှုပ်ရှားအဖွဲ့မှ တပ်ဖွဲ့ဝင်များ ပါဝင်သည့် ပူးပေါင်းအဖွဲ့သည် ၂၀၁၃ခုနှစ် နိုဝင်ဘာလ ၁၂ရက်၊ နံနက် ၅နာရီအချိန်က မူးယစ်ဆေးဝါးသတင်းအရ စိတ်ကြွဆေးပြား ၁၀၈၅၀ ပြားအား တရားခံနှင့်အတူ ဖမ်းဆီးရမိကြောင်း သတင်းရရှိသည်။

ဖြစ်စဉ်မှာ အဆိုပါ ပူးပေါင်းအဖွဲ့တို့သည် နမ့်ခမ်းမြို့နယ်တွင်းနှင့် နမ့်ခမ်းမြို့ နောင်တိန်းရွာ ကူးတို့ဆိပ် အနီး၌ မူးယစ်ဆေးဝါး သတင်းအရ လျှို့ဝှက်စောင့်ဆိုင်းနေစဉ် မဖုံဆွေxxxx စီးနင်းလာသည့် တရုတ်နိုင်ငံထုတ် ဟန်ဆင်း - 125 အစိမ်းရောင်(လိုင်စင်မဲ့)ဆိုင်ကယ်အား ရပ်တန့်ရှာဖွေ စစ်ဆေးရာ ၎င်း၏ ၀ဲဘက်ပခုံးတွင် လွယ်ထားသည့် လက်ဆွဲအိတ်အတွင်းမှ ကမ္ဘာလုံးတံဆိပ်ပါ အပြာရောင်ပလပ်စတစ် ကပ်ခွာအိတ်ဖြင့် ထည့်ထားသည့် (88) နှင့် (1)စာတန်း တစ်ဖက်စီပါ နီညိုရောင် စိတ်ကြွဆေးပြား ၁ပြားလျှင် ၂၀၀ ပြားစီ ပါသည့် အထုပ် ၄၀ စုစုပေါင်း ဆေးပြား ၈၀၀၀ ပြား နှင့် နှင်းဆီပန်း တံဆိပ်ပါ အပြာရောင် ပလပ်စတစ် ကပ်ခွာအိတ်ဖြင့် ထည့်လျှက် WY စာတန်းပါ နီညိုရောင် စိတ်ကြွရူးသွပ်ဆေးပြား ၁၉၀ပြားစီပါသည့် အထုပ် ၁၅ထုပ် စုစုပေါင်း ၂၈၅၀ပြား၊ စုစုပေါင်း ဖမ်းဆီးသိမ်းဆည်းရမိသော ဆေးပြားများမှာ ၁၀၈၅၀ ပြားရှိပြီး အလေးချိန်မှာ ၁.၀၈၅ ကီလိုရှိကြောင်း သိရသည်။ စိတ်ကြွဆေးပြားများအပြင် အမဲရောင် ပလပ်စတစ်အိတ်ဖြင့် ထုတ်ထားသည့် ဘိန်းစိမ်းဟု ယူဆရသော အမဲအစေး အလေးချိန် ၄၇၀ ဂရမ်ခန့်အား သိမ်းဆည်းရမိသည်။

ဆက်လက်၍ မူးယစ်ဆေးဝါးများနှင့်အတူ လက်ဝယ်တွေ့ရှိရသူ မဖုံဆွေxxအား နမ့်ခမ်း ရဲစခန်းမှ မူးယစ်(ပ) ၈၂/၂၀၁၃၊ မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉(က)/၂၁ အရ အမှုဖွင့် အရေးယူထားရှိကြောင်း သတင်းရရှိသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~ 

~~~~~~~~~~~~~~~~~~ ~~~~~~~~~~~~~~~~~~~~