ရှမ်းပြည်နယ်(မြောက်ပိုင်း)၊ ကွတ်ခိုင်မြို့နယ်၊ (၁၂)မိုင်စုစည်းကျေးရွာ၌ မူးယစ်တပ်ဖွဲ့စု(၂၂)မူဆယ်၊ နမ့်ခမ်းလှုပ်ရှားအဖွဲ့မှ တပ်ဖွဲ့ဝင်များ၊ မူးယစ်တပ်ဖွဲ့စု(၁၀၁) ရှေ့တန်း အမှတ်(၁၆) စစ်ဆင်ရေးကွပ်ကဲမှု ဌာနချုပ်နှင့် နမ့်ခမ်းမြို့မရဲစခန်းမှ တပ်ဖွဲ့ဝင်များ ပါဝင်သည့် ပူးပေါင်းအဖွဲ့မှ ၂၀၁၃ခုနှစ် နိုဝင်ဘာလ ၂၄ရက် နံနက် ၇နာရီ ၁၅မိနစ် အချိန်ခန့်က စိတ်ကြွဆေးပြားများနှင့် ဘိန်းစိမ်းများအား တရားခံနှင့်အတူ ဖမ်းဆီးသိမ်းဆည်း ရမိကြောင်း သတင်းရရှိသည်။

ဖြစ်စဉ်မှာ အဆိုပါ ပူးပေါင်းအဖွဲ့တို့သည် မူးယစ်ဆေးဝါးသတင်းအရ ကွတ်ခိုင်မြို့နယ်၊ (၁၂)မိုင်စုစည်းကျေးရွာ၌ အိမ်ရှာဝရမ်းအမှတ် (၇၄/၂၀၁၃)ဖြင့် ရန်ကွမ်းxxx(ကျား)၏ နေအိမ်အား ၀င်ရောက်ရှာဖွေရာ နေအိမ်တွင် ရန်မြင်xx(မ)တစ်ဦးတည်း ရှိနေပြီး ဆက်လက်ရှာဖွေရာ နေအိမ်အတွင်းမှ အမဲရောင် ကျွတ်ကျွတ်အိတ်ဖြင့် ထုပ်လျှက် ကျပ်ငွေ (၁၅)သိန်းခန့် တန်ဖိုးရှိသည့် ဘိန်းစိမ်း (၁.၅)ကီလိုခန့် နှင့် အပြာရောင် ပလပ်စတစ်ကပ် ခွာအိတ်ငယ်များဖြင့် ထည့်ထားသည့် 88 နှင့် 1 စာတမ်း တစ်ဖက်စီပါသည့် နီညိုရောင် စိတ်ကြွဆေးပြား စုစုပေါင်း (၆၁၀)ပြားအား ရှာဖွေတွေ့ရှိရကြောင်း သိရသည်။

ဆက်လက်၍ မူးယစ်ဆေးဝါးများအား လက်ဝက်တွေ့ရှိရသူ ရန်မြင်(မ) နှင့် အဆိုပါ မူးယစ်ဆေးဝါးများပိုင်ရှင် ထွက်ပြေးတိမ်းရှောင်နေသူ ရန်ကွမ်းxxxx(ကျား)တို့ နှစ်ဦးအား နမ့်ခမ်းမြို့မရဲစခန်းမှ မူးယစ်(ပ) ၉၂/၂၀၁၃၊ မူး/စိတ်ပုဒ်မ ၁၅/၁၉(က)/၂၁အရ နိုင်ဝင်ဘာ ၂၄ရက် ညနေ ၅နာရီဝန်းကျင်က အမှုဖွင့်၍ အရေးယူထားရှိကြောင်း သတင်းရရှိသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~