နံနက်ပိုင်းအချိန်က ဆရာတော်သည် မြန်မာနိုင်ငံဘက်သို့ ပြန်လည် မကြွလာမီ ထိုင်းနိုင်ငံ မယ်ဆိုင်မြို့ရှိ မြို့ပိုင်ရုံးမှာ တရားအလှူပေးပြီး ပြန်လည်ကြွချီလာခြင်းဖြစ်ရာ ထိုင်းနိုင်ငံဘက်မှ ဆရာတော်အား ကြည်ညိုကြသူများက အမှတ်(၁) ချစ်ကြည်ရေးတံတား အလယ်သို့ လိုက်ပါ ပို့ဆောင်ပေးခဲ့ကြပြီး မြန်မာနိုင်ငံဘက်မှ ပရိသတ် ဦးရေ ငါးသောင်းဝန်းကျင်ခန့်က ချစ်ကြည်ရေးတံတားအလယ်မှ နဂါးနှစ်ကောင်ကျောင်းတိုက်သို့ လိုက်ပါ ပို့ဆောင်ခဲ့ကြရာ တာချီလိတ်မြို့ရှိ ဗိုလ်ချုပ်လမ်းမကြီး တစ်လျှောက် စည်ကားသိုက်မြိုက်မှု၏ မြင်ကွင်းမှာ တာချီလိတ်မြို့၏ ထူးခြားသော ပထမဆုံး စည်ကားသိုက်မြိုက်ခြင်း ဖြစ်ကြောင်း သိရသည်။
မိုင်းဖုန်းဆရာတော် မြန်မာပြည်သို့ ပြန်လည်ကြွချီလာသည့် ခရီးစဉ်အား နဂါးနှစ်ကောင်ဆရာတော်မှ ဦးဆောင်၍ မြန်မာ-ထိုင်း ချစ်ကြည်ရေး အမှတ်(၁) တံတား၏ အလယ်၌ ပြည်ထောင်စုကြံခိုင်ရေးနှင့်ဖွံဖြိုးရေးပါတီမှ ဗဟိုကော်မတီဝင် ရှမ်းပြည်နယ်လွှတ်တော် ဥက္ကဌ ဦးစိုင်းလုံးဆိုင် နှင့် လားဟူတိုင်းရင်းသားရေးရာဝန်ကြီး ဦးရှာမွေလှရှဲန် တို့ အပါအ၀င် ဆရာတော်အား ပြန်လည်ပင့်ဆောင်ခွင့်ရရေး ကိစ္စနှင့်ပတ်သက်၍ ပြည်သူ့လွှတ်တော် တတိယပုံမှန် အစည်းအဝေး၌ အဆိုတင်သွင်းခဲ့ကြသော မိုင်းပျဉ်းပြည်သူ့လွှတ်တော်ကိုယ်စားလှယ် ဦးစိုင်းထွန်းစိန်၊ မိုင်းဆတ်ပြည်သူ့လွှတ်တော်ကိုယ်စားလှယ် ဦးခတ္တိယနှင့် မိုင်းတုံပြည်သူ့လွှတ်တော်ကိုယ်စားလှယ် ဦးစိုင်းအောင်ကြည်၊ ရှမ်းပြည်နယ်မှ ပြည်သူ့လွှတ်တော်/ပြည်နယ်လွှတ်တော်/အမျိုးသားလွှတ်တော်ကိုယ်စားလှယ်များ အပြင် နိုင်ငံရေးပါတီများ၊ ဒေသဆိုင်ရာအုပ်ချုပ်ရေး ခရိုင်/မြို့နယ် အကြီးအကဲများ၊ လူမှုရေးအသင်းအဖွဲ့များ နှင့် ရှမ်းပြည်နယ် အမြို့မြို့အနယ်နယ်မှ ရှမ်းတိုင်းရင်းသားများ စုစုပေါင်း ငါးသောင်းဝန်းကျင်ခန့် ကြိုဆိုခဲ့ကြတာကို တွေ့ရှိရသည်။
ဆရာတော်အား မိုင်းဖုန်းရွှေတြိဂံဒေသဘက်သို့ ပြန်လည် ပင့်ဆောင်ကိုးကွယ်နိုင်ရန်အတွက် အထက်ပါ ပြည်သူ့လွှတ်တော်ကိုယ်စားလှယ် သုံးဦးမှ ပြည်သူ့လွှတ်တော် တတိယပုံမှန် အစည်းအဝေး၌ အဆိုတင်သွင်းရာ သာသနာရေးဝန်ကြီးဌာန နှင့် ပြည်ထဲရေးဝန်ကြီးဌာနတို့က ကန့်ကွက်ရန် မရှိကြောင်း ဖြေကြားခဲ့တာကြောင့် ပြည်နယ်အစိုးရအဖွဲ့မှ (၈.၂.၂၀၁၃)ရက် နေ့စွဲပါ စာအမှတ်၊(၁၄၂၁)/ ၅ -၁၃၃/ အစရ(ရှမ်း) ၏ ခွင့်ပြုသဘောတူညီချက်ကြောင့် (၁၂.၆.၂၀၀၄)ရက်နေ့က ရေးထိုးခဲ့သော ကိစ္စကို ၂၀၁၃ခုနှစ် ဖေဖော်ဝါရီလ(၁၅)ရက်နေ့က တာချီလိတ်ခရိုင်အထွေထွေအုပ်ချုပ်ရေးဦးစီးဌာနမှ ပြန်လည်ရုပ်သိမ်းကြောင်း အမိန့်ထုတ်ပြန်လိုက်တာကြောင့် ဆရာတော်အား ယခုလို မြန်မာနိုင်ငံသို့ ပြန်လည်ပင့်ဆောင်နိုင်တာဖြစ်ကြောင်း သိရသည်။
ဆရာတော်အား မြန်မာနိုင်ငံမှ ထိုင်းနိုင်ငံသို့ ထွက်ခွာတော်မူခြင်းနှင့် ပတ်သက်၍ ဆရာတော်၏ အလှူ့ဒကာများနှင့် ကြည်ညိုသူများက ထင်ကြေး အမျိုးမျိုးပြောဆိုနေကြသည့် စကားများအနက် န.အ.ဖ စစ်အစိုးရမှ မိုင်းဖုန်းဆရာတော်အား ရှမ်းခေါင်းဆောင် လက်နက်ကိုင်များကို စည်းရုံးရေး တရားဟောခြင်း၊ ပြည်ထောင်စုမှ ခွဲထွက်ရေး တရားဟောခြင်း စသည့် မတရား စွပ်စွဲမှုများဖြင့် ဆရာတော်အား ဖမ်းဆီးရန် ကြံစည်လာသဖြင့် ဒကာ၊ဒကာမ များ၏ အသနားခံ လျှောက်ထားမှုကြောင့် ထိုင်းနိုင်ငံသို့ ခေတ္တ ရှောင်တိမ်းကြွချီ ရာမှ ပြန်လည် ပြည်ဝင်ခွင့် မပေးတော့တာဖြစ်ကြောင်း သိရှိရသည်။
"ဆရာတော်က မိုင်းဖုန်းမှာပဲ သီတင်းသုံးမှာပါ၊ သာသနာပြုခရီးစဉ်အနေနဲ့တော့ ရှမ်းပြည်နယ် မြောက်ပိုင်းကို ကြွဖို့ရှိတယ်လို့တော့ သိရတယ်၊ ဘယ်နေ့လည်းဆိုတာတော့ မပြောတတ်သေးဘူး"ဟု ဆရာတော်၏ ဒကာတစ်ဦးမှ တာချီလိတ်အွန်လိုင်းသို့ ပြောပြသည်။
ဆရာတော်သည် ထိုင်းနိုင်ငံသို့ ကြွချီထွက်ခွာတော်မူပြီးနောက် ၂၀၀၄ခုနှစ် ဇွန်လ ၁၂ ရက်နေ့က တာချီလိတ်မြို့နယ် အေးချမ်းသာယာရေးနှင့်ဖွံ့ဖြိုးရေးကောင်စီရုံး၌ ဒေသ အာဏာပိုင် အဖွဲ့အစည်းများရှေ့မှာ မိုင်းဖုန်းဆရာတော်ကျောင်း ဂေါပကအဖွဲ့ဖြစ်သည့် ဦးစိုင်းလုံကီး အပါအ၀င် အဖွဲ့ဝင်(၄)ဦးအား ခေါ်ယူ၍ ဆရာတော်အနေဖြင့် ထိုင်းနိုင်ငံမှ မြန်မာနိုင်ငံဘက်သို့ ပြန်လည် ကြွရောက်ခွင့် မပြုကြောင်းနှင့် ပတ်သက်၍ လက်မှတ်ရေးထိုး၍ ပိတ်ပင်ခဲ့သည်မှာ ၁၀ နှစ်နီးပါးကြာမြင့်ခဲ့ပြီး ယနေ့ ၂၀၁၃ခုနှစ် နိုဝင်ဘာလ ၁၅ရက်နေ့မှာ မိုင်းဖုန်းဆရာတော်မှ အမိမြန်မာနိုင်ငံသို့ ပြန်လည်ကြွရောက်တော်မူလာခြင်းဖြစ်ကြောင်း သိရှိရသည်။
ပုံများကိုကြည့်ရန်
