ထိုင်း-မြန်မာ နယ်စပ်မြို့တစ်မြို့ဖြစ်သည့် တာချီလိတ်မြို့တွင် ပုဂ္ဂလိကဈေးများစွာရှိသည့်အနက် ၀မ်ကောင်းရပ်ကွက် အတွင်း၌  ရှိသော "ဘုရင့်နောင်"ဈေးတွင် ဒေသဖွံ့ဖြိုးမှု နှင့် လူစည်ကားမှု ရှိစေရန်အတွက် ဈေးရောင်းချနိုင်ကြောင်းကို၂၀၁၃ခုနှစ် နိုဝင်ဘာလ ၅ ရက် နေ့လည် ၁၁နာရီ ၄၅ မိနစ်အချိန်က တာချီလိတ်မြို့နယ် စည်ပင်သာယာရေးရုံးတွင် အသား/ငါး ဈေးသည်များအား
ခေါ်ယူတွေ့ဆုံ၍ အသိပေးပြောကြားခဲ့ကြောင်း သိရသည်။

ထိုသို့အသိပေးပြောကြားရာတွင် တာချီလိတ်မြို့နယ် စည်ပင်သာယာရေးအဖွဲ့ အမှုဆောင်အရာရှိ ဒုတိယညွှန်ကြားရေးမှူး ဦးကိုကို က လိုင်စင်ရရှိထားသော အသား/ငါးရောင်းချသည့် ဈေးသည်များ အနေဖြင့် သတ်မှတ်ထားသည့် ဈေးအပြင် ၀မ်ကောင်းရပ်ကွက်၊ သံဃာ့ဆေးရုံအနီးရှိ "ဘုရင့်နောင်"ဈေး၌လည်း လွတ်လပ်စွာ သွားရောက် ရောင်းချနိုင်ကြောင်း" အသိပေးပြောကြားရာ သား/ငါး ဈေးသည်များက ထိုသို့ အသိပေးလာသည့်အတွက် သွားရောက် ရောင်းချမည်ဖြစ်ကြောင်း ပြန်လည်ပြောကြားလာကြသည်။

တာချီလိတ်မြို့၊ ၀မ်ကောင်းရပ်ကွက်၊ သံဃာ့ဆေးရုံအနီး၌ ဖွင့်လှစ်ထားသော "ဘုရင့်နောင်"ဈေးတွင် ၂၀၁၃ခုနှစ် အောက်တိုဘာလ မှစ၍ ၂၀၁၃ နှစ်ကုန်အထိ ဆိုင်ခန်းခ နှင့် အခွန်အခများကို ကောက်ခံခြင်းမပြုပဲ အခမဲ့ ရောင်းချခွင့် ၃လတိတိ ပေးသွားမှာဖြစ်ကြောင်း သိရှိရသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ~~~~~~~~~~~~~~~~~~~~