ယနေ့ဟာ မြန်မာ့သင်္ကြန်အတက်နေ့ဖြစ်သည်။ သင်္ကြန်အတွင်း၌ လူတို့သည် ကောင်းမူကုသိုလ်များ ပျော်စရာများလည်း လုပ်တတ်ကြ၏။

ယနေ့ မနက်မှစ၍ သင်္ကြန်အတက်နေ့အတွက် ဓါတ်ပုံရိုက်ထွက်ရာ ဧရာဝတီဘဏ်ရှေ့တွင် တာချီလိတ်မြို့ရှိ အလင်းရောင်ပရဟိတအဖွဲ့မှ မုန့်ကြာစေ့ စတုဒီသာကျွေးမွေးနေတာကိုတွေ့လိုက်ရသည်။ ၎င်းတို့အဖွဲ့သည် ပျော်ပျော်ပါးပါး လုပ်ဆောင်နေကြပြီး လာသမျှကားများကို တား၍ စတုဒီသာများကို ပေးကမ်းကြသည်သဖုံ လမ်းသွားလမ်းလာလူများကို ပေကမ်းကြသည်က တမည်။ ပျော်စရာကောင်းသော အလှူတစ်ခုဖြစ်လေသည်။

အလင်းရောင် ပရဟိတအဖွဲ့မှ စတုဒီသာကျွေးမွေး
* * * * *
❦ ❦ ❦ ❦ ❦ ❦ ❦ ❦ ❦ ❦ ❦❦ ❦ ❦ ❦ ❦ ❦ ❦ ❦ ❦ ❦ ❦
ထို့နောက်မှာတော့ ရွှေတိဂုံအောက်ဖက်တွင်ရှိသော အမျိုးသားဒီမိုကရေစီအဖွဲ့ချုပ်ရုံးတွင်လည်း မုန့်လုံးရေပေါ်စတုဒီသာကျွေးရန်အတွက် အုန်းသီးခြစ်သူများ၊ ထန်းလျက်ခြမ်းသူများ၊ မုန့်လုံး လုံးနေသူများဖြင့် ပျော်ပျော်ပါးပါး လုပ်ဆောင်နေကြသည်ကိုလည်း တွေ့ခဲ့ရသည်။ အလှူနှင့်ပတ်သက်လျှင် လူတို့သည် စိတ်ကိုပျော်ရွှင်၍ တက်ကြွစွာ လုပ်ဆောင်တတ်လေသည်။

တာချီလိတ်မြို့ရှိ ရပ်ကွက်များ စစ်တပ်များ ဌာနဆိုင်ရာမှ ယိမ်းအဖွဲ့များစုစုပေါင်း (၁၄)ဖွဲ့ဟာ သင်္ကြန်အတွင်း ယိမ်းအကပြိုင်ကြရာ ကော်မတီမှ ဒိုင်များ၏ ဆုံးဖြတ်ချက်ဖြင့် (၁၁)ဖွဲ့ကို နှစ်သိမ့်ဆုပေးအပ်ပြီး ကျန်(၃)ဖွဲ့ကိုတော့ ပထမဆု၊ ဒုတိယဆု၊ တတိယဆု အဖြစ် ပေးအပ်ချီးမြှင့်သည့်အခမ်းအနားကို သင်္ကြန်အတက်နေ့ဖြစ်သည့် ၁၆.၄.၂၀၁၂ တနလာင်္နေ့ ညနေ ၆နာရီတွင် စတင်ပြုလုပ်ခဲ့ပြီး ည(၈)နာရီဝန်းကျင်တွင် မဏ္ဍပ်ပိတ်ပွဲဖြင့် အခမ်းအနားကို အောင်မြင်စွာ သိမ်းခဲ့ကြသည်။

ရှမ်းပြည်အရှေ့ပိုင်း တာချီလိတ်မြို့ အခြေစိုက် စစ်ဗျူဟာမှူး ဗိုလ်မှူးကြီး ခင်မောင်စိုးမှ ပထမဆုရသော ပိတောက်ရွှေရည်ယိမ်းအဖွဲ့ အား ဆုငွေချီးမြှင့်နေစဉ်
* * * * *

ပထမဆုရသော ပိတောက်ရွှေရည်ယိမ်းအဖွဲ့
* * * * *

ဒုတိယဆု ရရှိသည့် ရခိုင်ရိုးရာယဉ်ကျေးမှုအဖွဲ့
* * * * *

ဆုပေးပွဲအခမ်းအနားမစတင်မှီ နေရာယူနေကြစဉ်
* * * * *

မကာဟိုခမ်းယိမ်းအဖွဲ့
* * * * *