ကျိုင်းတုံမြို့နယ်အတွင်း ပန်လိီ(အောက်)ရှိ အထက(ခွဲ)တွင် ကျောင်းသားကျောင်းသူများက ဒေသထွက်သီးနှံများဖြင့် ဆရာ၊ဆရာမများအား ပူဇော်ကန်တော့

ရှမ်းပြည်နယ်(အရှေ့ပိုင်း) ကျိုင်းတုံမြို့နယ်၊ မိုင်းခွန်ကျေးရွာအုပ်စုအတွင်း၊ ပန်လီ(အောက်)ကျေးရွာရှိ အခြေခံပညာအထက်တန်းကျောင်းခွဲတွင် ကျောင်းသားကျောင်းသူများက ဆရာ၊ဆရာမများအား ပူဇော်ကန်တော့ပွဲကို ၂၀၁၉ ခုနှစ်၊ အောက်တိုဘာလ (၉)ရက်နေ့တွင်ကျင်းပရာ ဒေသထွက်သီးနှံများဖြင့် ပူဇော်ကန်တော့ကြသည်။

“သူတို့ ဒေသထွက် အသီးအနှံတွေ ယူလာပြီး ကန်တော့ကြတာ။ သူတို့ တောင်ယာတွေ လယ်တွေထဲ စိုက်ထားတဲ့ အသီးအနှံလေးတွေ ယူလာကြတာပေါ့။ မနှစ်ကလည်း အဲဒီလိုပဲ ကန်တော့တယ်။ ဒီနှစ်လည်း အဲဒီလို ကန်တော့ကြတယ်။ ကျွန်မတို့ တောင်ပေါ်ဒေသက တခြားဒေသတွေလို မဟုတ်ဘူး။ သူတို့လည်း မရှိကြတဲ့ သူတွေများတယ်။ ဒီမှာက ကျောင်းလုပ်ငန်းစဉ်လည်းရှိ၊ ရိုးရာလည်း မပျက်ရအောင်ဆိုပြီး လုပ်တော့ သူတို့လည်း အဆင်ပြေအောင် အခုက ကောက်သစ်ပေါ်ချိန် ထွက်တဲ့ အသီးအနှံလေးတွေ ယူခဲ့ကြတာ။ သူငယ်တန်း၊ တစ်တန်း ကလေးလေးတွေကအစ သခွားသီးနှစ်လုံးရှိရင် သခွားသီးယူလာကြတယ်။ သူတို့အိမ်မှာ ရှိတာလေးတွေ ယူလာကြတာ”ဟု ပန်လီ(အောက်)ကျေးရွာ အခြေခံပညာအထက်တန်းကျောင်းခွဲမှ ကျောင်းအုပ်ဆရာမကြီး ဒေါ်သူဇာတင်က တာချီလိတ်သတင်းအေဂျင်စီသို့ ပြောသည်။

သီတင်းကျွတ်ဆရာကန်တော့ပွဲအနဖြေင့် ကျင်းပရာတွင် ကျောင်းသား၊ ကျောင်းသူပေါင်း (၄၀၀)ကျော်က မိမိတို့၏ ဆရာ၊ဆရာမများကို အသီးအနှံများ ယူဆောင်ကန်တော့ကြခြင်းဖြစ်သည်။

Tachileik News Agency
ဓာတ်ပုံ - ပန်းအိတင်

~~~~~~~~⊰❂ Zawgyi Version ❂⊱~~~~~~~~