မကွေးတိုင်းဒေသကြီး၊ ငဖဲမြို့နယ်၊ ဂုတ်ကြီးကျေးရွာ၊ ပေါလူကွေ့၌ ၂၀၁၉ ခုနှစ်၊ နိုဝင်ဘာလ (၂၅) ရက် ည(၈)နာရီ ဝန်းကျင်က ကုန်တင်ယာဉ်တစ်စီး ဘရိတ်ပေါက်၍ လမ်းဘေးချောက်ထဲသို့ ထိုးကျတိမ်းမှောက်သဖြင့် ယာဉ်မောင်းနှင့် ယာဉ်နောက်လိုက်တို့ သေဆုံးသွားသည်။
မင်းဘူး - အမ်း - စစ်တွေကားလမ်းအတိုင်း အမ်းဘက်မှ ပဒါန်းဘက်သို့ ယာဉ်မောင်း ကိုငွေနိုင်မောင်းနှင်ပြီး ယာဉ်နောက်လိုက် ကိုဇော်မင်းထွေး လိုက်ပါလာသည့် NISSIAN CONDOR CM 87 KA အမျိုးအစား (၆)ဘီး ကုန်တင်ယာဉ်မှာ နိုဝင်ဘာလ (၂၅)ရက်နေ့ ည (၈)နာရီခွဲအချိန်ခန့်တွင် ပေါလူကွေ့သို့ ရောက်ရှိစဉ် ဘရိတ်ပေါက်ကာ အရှိန်မထိန်းနိုင်ဖြစ်ပြီး လမ်း၏ ဝဲဘက်ချောက်ထဲသို့ ထိုးကျတိမ်းမှောက်ခဲ့ခြင်းဖြစ်ကြောင်း ရဲစခန်းမှတ်တမ်းအရ သိရသည်။
ယာဉ်တိမ်းမှောက်မှုကြောင့် ယာဉ်မောင်းဖြစ်သူမှာ ပဒါန်းတိုက်နယ်ဆေးရုံအရောက်တွင် သေဆုံးပြီး ယာဉ်နောက်လိုက်မှာ အခင်းဖြစ်နေရာတွင် သေဆုံးသွားကြောင်း သိရသည်။
အဆိုယာဉ်တိမ်းမှောက်မှုနှင့်ပတ်သက်၍ သေဆုံးသွားသည့် ယာဉ်မောင်း ကိုငွေနိုင်ကို ငဖဲမြို့နယ်၊ ပဒါန်းနယ်မြေရဲစခန်းတွင် ယာဉ် (ပ) ၁၂/၂၀၁၉၊ ရာ ဇသတ်ကြီးပုဒ်မ ၃၀၄-က အရ အမှုဖွင့်ထားကြောင်း သိရသည်။
Tachileik News Agency
သတင်း-ဖီးနစ်
ဓာတ်ပုံ-ရဲစခန်း
