ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် COVID 19 ကာလအတွင်း ဆိုင်များ ပုံမှန်အတိုင်း ရောင်းချကြရန် မြို့နယ်ကုန်စည်ဈေးနှုန်းတည်ငြိမ်/ထိန်းချုပ် ကြပ်မတ်ကွပ်ကဲရေးအဖွဲ့က ၂၀၂၀ ခုနှစ်၊ ဧပြီလ (၈) ရက်နေ့တွင် လှည့်လည်စစ်ဆေးသည်။
ကျွန်မတို့က ကုန်တွေကို တောင်ကြီး၊ ကျိုင်းတုံ၊ တာချီလိတ်မြို့တွေက အဓိကဝယ်ယူရောင်းချတာပါ။ အဓိက ဝယ်ယူတဲ့မြို့က ဈေးနှုန်းမတက်ရင် ပုံမှန်အတိုင်းသာရောင်းချပါတယ်
ဟု ကုန်စုံဆိုင်ရှင်တစ်ဦးဖြစ်သည့် ဒေါ်နန်ရှဲန်ရွက်က ပြောသည်။
ကိုဗစ်-၁၉ရောဂါ ကာကွယ်ထိန်းချုပ်ရေးဆောင်ရွက်နေသည့် အချိန်ကာလအတွင်း အခြေခံစားသောက်ကုန် ဈေးနှုန်းများ ကြီးမြင့်မှုမရှိစေရေးအတွက် မြို့နယ်ကုန်စည်ဈေးနှုန်းတည်ငြိမ်/ထိန်းချုပ် ကြပ်မတ်ကွက်ကဲရေးအဖွဲ့က ကုန်စုံဆိုင်များသို့ ကွင်းဆင်းစစ်ဆေးခြင်းနှင့် အသိပညာပေးခြင်းများကို ဆောင်ရွက်ခဲ့ခြင်းဖြစ်ကြောင်း သိရသည်။
ကွင်းဆင်းစစ်ဆေးရေးလုပ်ရာတွင် အဖွဲ့ ဥက္ကဌ ဦးထွန်းရွှေ၊ အတွင်းရေးမှူး ဦးတိုးဇော်ထွန်းနှင့် အဖွဲ့ဝင်များက ကုန်စုံဆိုင်ပိုင်ရှင်များအနေဖြင့် အခြေခံစားသောက်ကုန် ဈေးနှုန်းများ ဈေးမတင်ရန်၊ ကုန်ပစ္စည်များတွင် ဈေးနှုန်းများကပ်ထားရန်နှင့် ဈေးဆိုင်များကို ပုံမှန်အတိုင်း ဖွင့်လှစ်ရောင်းချရန် အသိပညာပေးကြသည်။
Tachileik News Agency
သတင်း/ဓါတ်ပုံ - ရွှေကို(မိုင်းဖြတ်)
