ပုံမှန်ဝင်ငွေမရှိသည့် အခြေခံလူတန်းစားအိမ်ထောင်စုများကို ဇူလိုင်လကုန် ငွေကြေးထောက်ပံ့ရာ၌ မြို့နယ် (၃) ခုတွင် Mobile Pay ဖြင့် စမ်းသပ်မည်
COVID 19 ကာလအတွင်း ပုံမှန်ဝင်ငွေမရှိသည့် အခြေခံလူတန်းစား အိမ်ထောင်စု (၅.၄) သန်းကျော်ကို ၂၀၂၀ ခုနှစ် ဇူလိုင်လနောက်ဆုံးပတ်တွင် ငွေကျပ် (၂၀,၀၀၀) စီထောက်ပံ့ရာ၌ ရှမ်းပြည်နယ်၊ နေပြည်တော်နှင့် မကွေးတိုင်းတို့မှ မြို့နယ် (၃)ခု၌ Mobile Pay ဖြင့် စမ်းသပ်ဆောင်ရွက်မည်ဖြစ်ကြောင်း သိရသည်။
"ပုံမှန်ဝင်ငွေမရှိတဲ့ အခြေခံလူတန်းစားအိမ်ထောင်စုပေါင်း (၅.၄) သန်းကျော်ကို ကျွန်တော်တို့ အိမ်ထောင်စုတစ်စုကို ကျပ်ငွေ (၂၀၀၀၀) စီ ထောက်ပံ့မှုကို ဇူလိုင်လ နောက်ဆုံးပတ်မှာ စတင်ပြီးထောက်ပံ့မှာဖြစ်ပါတယ်။ နေပြည်တော်၊ ပုပ္ပသီရိမြို့နယ်၊ ရှမ်းပြည်နယ်၊ ကလောမြို့နယ်နဲ့ မကွေးတိုင်းဒေသကြီး၊ မိတ္ထီလာ (၃) မြို့နယ်ကိုတော့ Mobile Pay တွေနဲ့ စမ်းသပ်ဆောင်ရွက်သွားမှာ ဖြစ်ပါတယ်။ ပြီးရင်တော့ စတုတ္ထအကြိမ်ထောက်ပံ့မှုကိုတော့ ခုနကတင်ပြခဲ့တဲ့ အိမ်ထောင်စု (၅.၄) သန်းကျော်ကို သြဂုတ်လ နောက်ဆုံးပတ်မှာ စတင်ဆောင်ရွက်ဖို့ စီမံထားပါတယ်"
ဟု နိုင်ငံတော်သမ္မရုံးတွင် ပြုလုပ်သည့် သတင်းစာရှင်းလင်းပွဲတွင် နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးက ဇူလိုင်လ (၁၇)ရက်နေ့က နေပြည်တော်တွင် ကျင်းပသည့် သတင်းစာရှင်းလင်းပွဲတွင် ပြောသည်။
COVID-19 ကာလအတွင်း ပုံမှန်ဝင်ငွေမရှိသည့် အခြေခံလူတန်းစားအိမ်ထောင်စုများအတွက် နိုင်ငံတော်မှ ပထမအကြိမ်ထောက်ပံ့မှုအဖြစ် အခြေခံစားသောက်ကုန် (၅) မျိုးကို ၂၀၂၀ ခုနှစ် ဧပြီလ (၁၀) ရက်နေ့မှ (၁၉) ရက်နေ့အထိ ထောက်ပံ့ပေးနေရာ အိမ်ထောင်စု (၄) သန်းကျော်ကို ထောက်ပံ့ထားကြောင်း သိရသည်။
ယင်းနောက် ပထအကြိမ်ထောက်ပံမှုတွင် မပါဝင်ခဲ့သည့် အိမ်ထောင်စု (၁.၄) သန်းကျော်ကို ဇွန်လ (၂၇) ရက်နေ့မှ ဇူလိုင်လ (၁၂) ရက်နေ့အထိ တစ်အိမ်ထောင်လျှင် ငွေကျပ် (၁၅,၀၀၀) နှုန်းဖြင့် ဒုတိယအကြိမ်အဖြစ် ထောက်ပံပေးအပ်ခဲ့ကြောင်း သိရသည်။
တတိယအကြိမ်ထောက်ပံ့မှုအဖြစ် ပထမအကြိမ်က အခြေခံစားသောက်ကုန် (၅) မျိုးရရှိခဲ့သည့် အိမ်ထောင်စု (၄) သန်းကျော်နှင့် ဒုတိယအကြိမ်ငွေကြေးထောက်ပံ့မှုရရှိထားသည့် အိမ်ထောင်စု (၁.၄) သန်းကျော်၊ စုစုပေါင်း (၅.၄) သန်းကျော်ကို ဇူလိုင်လ နောက်ဆုံးပတ်တွင် ထောက်ပံ့ပေးသွားမည်ဖြစ်ကြောင်း သိရသည်။
Tachileik News Agency
သတင်း - ဟန်စိုးထိုက်
