နိုင်ငံပေါင်း (၃)နိုင်ငံမှ ပြန်လာသူ အမျိုးသား(၅)ဦးတွင် Covid-19 စစ်ဆေးတွေ့ရှိ
အမေရိကန်၊ ယူအေအီး နှင့် အိန္ဒိယနိုင်ငံတို့မှ ပြန်လာသူများထဲက အမျိုးသား(၅)ဦးတွင် Covid-19 ပိုး စစ်ဆေးတွေ့ရှိကြောင်း ကျန်းမာရေးဝန်ကြီးဌာနမှ ဩဂုတ်လ(၁၄)ရက်နေ့ ညပိုင်းက သတင်းထုတ်ပြန်ထားရှိသည်။
အမေရိကန်မှ ပြန်လာသူ အမျိုးသားသည် အသက်(၇၂)အရွယ်ရှိပြီ ဖြစ်ပြီး ကျန်(၄)ဦးမှာ ရန်ကုန်တိုင်းဒေသကြီးအတွင်း နှင့် ရခိုင်ပြည်နယ်၊ ရှမ်းပြည်နယ်တို့က ဖြစ်သည်။
မြန်မာနိုင်ငံတွင် ၂၀၂၀ခုနှစ် ဩဂုတ်လ(၁၄)ရက်နေ့ ည(၈)နာရီအချိန်အထိ Covid-19 စစ်ဆေးတွေ့ရှိသူ စုစုပေါင်း ( ၃၇၄ )ဦးရှိပြီ ဖြစ်ပြီး (၃၂၂)ဦးမှာ သက်သာလာသူများဖြစ်ကြောင်း သိရသည်။
Tachileik News Agency
