ကရင်နီဒေသ ဖားဆောင်းမြို့တိုက်ပွဲတွင် စစ်ကောင်စီတပ်၏ ရဟတ်ယာဉ်တစ်စီးကို ယနေ့ ၂၀၂၄ ခုနှစ် မေလ(၆)ရက်နေ့ နံနက်ပိုင်းတွင် ပစ်ချနိုင်ခဲ့ကြောင်း ကလလတတပ်ဖွဲ့က တရားဝင်သတင်းထုတ်ပြန်သည်။
ဖားဆောင်းမြိုရှိ စစ်ကောင်စီတပ် ခလရ(၁၃၄)၊ (၁၃၅)သို့ စစ်တပ်ကလာသော ရဟတ်ယာဉ်ကို ကရင်နီတပ်ပေါင်းစုတပ်က ပွိုင့်(၈) မောင်းပြန် (၂)လက်ဖြင့် ပစ်ချနိုင်ခဲ့ခြင်းဖြစ်သည်ဟု ဆိုသည်။
"ဆင်းလာတဲ့အချိန် စောင့်ပြီး လှမ်းပစ်လိုက်တာ။ ထိသွားတယ်။ ပျက်ကျတယ်ပေါ့။"ဟု ကလလတ တပ်ဖွဲ့မှ ရဲဘော်တစ်ဦးက ပြောသည်။
အဆိုပါရဟတ်ယာဉ်သည် ဘော်လခဲမြို့နယ်အတွင်းသို့ ပျက်ကျခဲ့သည်ဟုလည်း ထုတ်ပြန်ထားသည်။
#TachileikNewsAgency
Video: K P L Army - 1st Tactical Operations Command
