စစ်ကိုင်းတိုင်း ရေဦးမြို့နယ်ရှိ စစ်ကောင်စီတပ်ဖွဲ့အင်အား (၁၆) ဦးခန့်ဖြင့် ဆက်ကြေးကောက်နေသည့် စစ်ကောင်စီဂိတ်ကို ၂၀၂၄ခုနှစ် မေလ (၁)ရက်နေ့ နံနက်(၇)နာရီခန့်တွင် ၄၀ မမ များဖြင့် ပစ်ခတ်တိုက်ခိုက်ခဲ့ကြောင်း ရွှေဘိုခရိုင် အမှတ်(၁၄)တပ်ရင်း၊ ရေဦး PDFမှ သတင်းထုတ်ပြန်သည်။

မေလ (၁)နေ့ နံနက်ပိုင်းတွင် ရေဦးမြို့ ဒီပဲယင်းလမ်းအထွက်ရှိ စစ်ကောင်စီ တပ်ကြပ် စိုးမိုးအောင်နှင့် တပ်သား ၁၅ ဦး ဆက်ကြေးကောက်နေသည့် ဂါဝီဂိတ်နေရာသို့ ၄၀ မမ များဖြင့် ပစ်ခတ်တိုက်ခိုက်ခဲ့ခြင်းဖြစ်ကြောင်း သိရသည်။

တိုက်ခိုက်မှုကြောင့် စစ်ကောင်စီ တပ်သား ၃ ဦး ဒဏ်ရာများစွာဖြင့် သေဆုံးနိုင်ပြီး ၄ ဦး ထိခိုက်ဒဏ်ရာ ရရှိနိုင်ကြောင်း ထုတ်ပြန်ချက်တွင် ဖော်ပြထားသည်။

#TachileikNewsAgency