တာချီလိတ်မြို့ စက်မှုဇုန် နှင့် လေယာဉ်ကွင်းသွားလမ်းဆုံ၏ ထောင့်တွင် လမ်းနယ်နိမိတ်ကျူးသည့်ဆိုင်များ တစ်ပတ်အတွင်း ဖယ်ရှားရန် စည်ပင် သတိပေး
ရှမ်းပြည်နယ်(အရှေ့ပိုင်း) တာချီလိတ်မြို့၊ ဆေခမ်း(ဟောင်လိတ်)ရပ်ကွက်အတွင်း စက်မှုဇုန် နှင့် လေယာဉ်ကွင်းသွား လမ်းဆုံ၏ ထောင့်တလျှောက် လမ်းနယ်နိမိတ်ကျူးထားသည့် ဆိုင်ခန်းများ တစ်ပတ်အတွင်း ဖယ်ရှားရှင်းလင်းရမည်ဟု မြို့နယ်စည်ပင်သာယာရေးဌာနက ၂၀၂၂ ခုနှစ် စက်တင်ဘာလ (၁၂)ရက်နေ့တွင် စာထုတ်သတိပေးထားကြောင်း သိရသည်။
အဆိုပါ လမ်းတလျှောက် လမ်းနယ်နမိတ်ကျူးကျော်၍ လမ်းဘေးဆိုင်ခန်းများကို အခိုင်အမာ ဆောက်ထားသည်များကို (၇)ရက်အတွင်း ဖယ်ရှားခြင်းမရှိပါက စည်ပင်က ကိုယ်တိုင်ရှင်းလင်းဖယ်ရှားမည်ဟု သတိပေးထားသည်ကို တွေ့ရသည်။
