အမျိုးသားဒီမိုကရေစီအဖွဲ့ချုပ်(NLD) အစိုးရလက်ထက်က ကယားပြည်နယ်အစိုးရအဖွဲ့တွင် ဥပဒေချုပ်အဖြစ် တာဝန်ထမ်းဆောင်ခဲ့သည့် ဦးစိုင်းကျော်ဇံသည် အာဏာသိမ်းစစ်ကောင်စီ၏ လက်အောက်တွင်လည်း ဥပဒေချုပ်အဖြစ် ရှမ်းပြည်နယ်တွင် တာဝန်ထမ်းဆောင်ရန် ခန့်အပ်ခံရကြောင်း သိရသည်။
ဦးစိုင်းကျော်ဇံသည် တာချီလိတ်ခရိုင်ဥပဒေအရာရှိအဖြစ် တာဝန်ထမ်းဆောင်ပြီး အငြိမ်းစားယူကာ တာချီလိတ်မြို့တွင် နေထိုင်သူဖြစ်ပြီး ၎င်းသည် စစ်အစိုးရလက်ထက်ဖြစ်သည့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီလက်ထက်က နိုင်ငံတော်ဖွဲ့စည်းပုံအခြေခံဥပဒေမူကြမ်းရေးဆွဲရေးကော်မရှင်တွင် အဖွဲ့ဝင်(၅၄)ဦးအနက် (၄၈)ဦးမြောက် အဖွဲ့ဝင်အဖြစ် ပါဝင်ခဲ့သူလည်း ဖြစ်သည်။
၂၀၁၅ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD)ပါတီမှ အနိုင်ရပြီး အစိုးရဖွဲ့စည်းသည့်အခါတွင် ကယားပြည်နယ်တွင် ဥပဒေချုပ်အဖြစ် တာဝန်ထမ်းဆောင်ခဲ့ပြီး နိုင်ငံ့အာဏာအား စစ်တပ်မှ သိမ်းလိုက်သည့်အခါတွင် ၎င်းသည် ရှမ်းပြည်နယ်စစ်ကောင်စီအဖွဲ့တွင် ဥပဒေချုပ်အဖြစ် ပါဝင်နေခြင်း ဖြစ်သည်။
