လာအိုနိုင်ငံ၊ ဘိုကျောက်ပြည်နယ်၊ တုန့်ဖိန်းခရိုင်ရှိ ရွှေတြိဂံအထူးစီးပွားရေးဇုန်တွင် COVID 19 ထိန်းချုပ်နိုင်မှု မရှိသေး၍ အသွားအလာကန့်သတ်ထားသည့် ကာလကို ၂၀၂၁ ခုနှစ် ဩဂုတ်လကုန်အထိ ထပ်တိုးသတ်မှတ်လိုက်ကြောင်း သိရသည်။
အထူးစီးပွားရေးဇုန်ကို အဝင်အထွက်ကန့်သတ်ထားသည့် ကာလအတွင်း မြန်မာရွှေ့ပြောင်းလုပ်သားများ နေရပ်ပြန်ရန် လွှဲပြောင်းပေးခြင်းလုပ်ငန်းဆောင်ရွက်ရာတွင် နေရပ်ပြန်စာရင်းအတိုင်း စနစ်တကျလုပ်ဆောင်ရမည်ဟု အသိပေးထားသည်။
ဒေသတွင်း COVID-19 ကူးစက်မှုလျော့ကျစေရေးအတွက် လူစုလူဝေး မဖြစ်စေရန်၊ မလိုအပ်ဘဲ အပြင် မထွက်ရန်၊ အပြင်ထွက်တိုင်း နှာခေါင်းစည်း (Mask)ကို ပါးစပ်နှင့်နှာခေါင်းလုံသည်အထိ တပ်ဆင်ရန်၊ လက်ကို ဆပ်ပြာဖြင့် မကြာခဏဆေးကြောခြင်း (သို့မဟုတ်) အယ်လ်ကိုဟောပါသည့် Hand Gel ဖြင့် ဆေးကြောရန်ကိုလည်း သတိပေးထားသည်။
နေရပ်ပြန် မြန်မာများကို လာအိုနိုင်ငံဘက်တွင် COVID-19 စစ်ဆေးပြီး ပိုးမရှိမှသာ မြန်မာဘက်က လက်ခံတော့မည်
