တာချီလိတ်မြို့တွင် Covid-19 ရောဂါ ကာကွယ်ဆေး(Sinopharm)ထိုးပေးနေသည့် အောင်မြတ်ခန်းမရှေ့၌ ကာကွယ်ဆေးထိုးရန်အတွက် ယနေ့ ဩဂုတ်လ(၁၀)ရက်နေ့ နံနက်ပိုင်းက လူစုလူဝေးဖြင့် စောင့်ဆိုင်းနေကြကြောင်း သိရသည်။

ကာကွယ်ဆေးကို အောင်မြတ်ခန်းမအတွင်း၌ တစ်ခုံခြားဆီ ထိုးပေးနေသော်လည်း အောင်မြတ်ခန်းအတွင်း ဝင်ရောက်ဆေးထိုးလိုသူများမှာ ခန်းမ၏ အပြင်ဘက် အပေါက်ဝများတွင် လူစုလူဝေးများ ဖြစ်ပေါ်နေခြင်း ဖြစ်သည်။

• တာချီလိတ်မြို့တွင် Covid-19 ကူးစက်ခံရပြီး ရောဂါအခံကြောင့် အသက်(၈၀)ကျော် အမျိုးသား(၂)ဦး ထပ်မံ သေဆုံး

ယနေ့ ဩဂုတ်လ(၁၀)ရက်နေ့ နံနက်ပိုင်းကစ၍ တာချီလိတ်မြို့ရှိ အောင်မြတ်ခန်းမ နှင့်  တရုတ်ဘုံကျောင်း(ပါလျှံ) နှင့် အထက(ဟောင်လိတ်)၊ မိုင်းဖုန်း(ခ)ကျေးရွာအုပ်စုတို့တွင် လူ(၃၀၀၀)စာအတွက် ထိုးနှံပေးနေခြင်း ဖြစ်ကြောင်း သိရသည်။ 

တာချီလိတ်မြို့၏ Covid-19 တတိယလှိုင်းအတွင်း ၂၀၂၁ခုနှစ် ဇွန်လ(၂၈)ရက်နေ့မှ ဩဂုတ်လ(၉)ရက်နေ့အထိ Covid-19 ကူးစက်ခံရသူ (၁၈၂၉)ဦးအထိရှိနေပြီး သေဆုံးသူမှာလည်း ယနေ့ ဩဂုတ်လ(၁၀)ရက်နေ့အထိ (၂၆)ဦးအထိရှိနေသည်။

• ကိုဗစ် ဗဟိုအစည်းအဝေး (၇)ကြိမ်ပြုလုပ်ခဲ့ပြီးနောက် ကူးစက်မှု အတိုင်းအတာတစ်ခုအထိ ထိန်းချုပ်ထားနိုင်ပြီဖြစ်ကြောင်း အာဏာသိမ်းစစ်ခေါင်းဆောင်ပြော

#TachileikNewsAgency