ပုလဲမြို့နယ်အတွင်း နဂါးမတောင်အနီးတွင် အာဏာသိမ်းစစ်တပ်၏ စစ်ကား (၃)စီး မိုင်းထိ
စစ်ကိုင်းတိုင်းဒေသကြီး၊ ယင်းမာပင်ခရိုင်၊ ပုလဲမြို့နယ်အတွင်း ၂၀၂၁ ခုနှစ်၊ ဇွန်လ (၂၅) ရက်နေ့ နံနက် (၉) နာရီဝန်းကျင်တွင် အာဏာသိမ်းစစ်ကောင်စီတပ်၏ စစ်ကား (၃) စီး နဂါးမတောင်အနီး၌ မိုင်းထိသွားသည်ဟု ယင်းမာပင်ခရိုင် ပြည်သူ့ကာကွယ်ရေးတပ် (PDYD) က သတင်းထုတ်ပြန်ချက်အရ သိရသည်။
မိုင်းထိမှုကြောင့် သေဆုံးထိခိုက်သည့်အခြေအနေကို အတည်ပြုနေဆဲဖြစ်ကြောင်း သိရသည်။
ယင်းမာပင်ခရိုင်အတွင်း သွားလာနေကြသည့် အိမ်စီးကား၊ ကုန်တင်ယာဉ်၊ သယ်ယူပို့ဆောင်ရေးယာဉ်များအနေဖြင့် ကားမှန်များချ၍ သွားလာကြရန် ဇွန်လ (၂၃) ရက်နေ့တွင် PDYD က ထုတ်ပြန်သတိပေးထားပြီး မော်တော်ယာဉ်များ၊ စက်လှေများအနေဖြင့်လည်း လမ်းကြောင်းလုံခြုံမှုအခြေအနေကို ချိတ်ဆက်စုံစမ်းပြီးမှ သွားလာကြရန် အသိပေးထားသည်ကိုလည်း တွေ့ရသည်။
