ရှမ်းပြည်နယ်၊ မိုင်းဆတ်မြို့နယ် စစ်မှုထမ်းဟောင်းအဖွဲ့မှ အဖွဲ့ဝင်များ ထောက်ပံ့ကြေးပေးအပ်ခြင်းနှင့် အဖွဲ့ဝင်များ၏ သားသမီးများအား ပညာသင်ထောက်ပံ့ကြေး ပေးအပ်ပွဲကို ဇွန်လ (၃၀)ရက်၊ နံနက် (၁၀)နာရီခွဲက ခရိုင်အထွေထွေအုပ်ချုပ်ရေးဦးစီးဌာနရုံး၊ သီရိရတနာ ခန်းမ၌ ကျင်းပပြုလုပ်ရာ တပ်နယ်မှ ဗိုလ်မှူးကြီး အောင်ဇော်အေး က အဖွင့်အမှာစကားပြောကြားပြီး မြို့နယ်စစ်မှုထမ်းဟောင်း စည်းရုံးရေးကော်မတီ ဥက္ကဋ္ဌ ဦးခင်မောင်ကျော် က တစ်နှစ်တာအတွင်း လုပ်ငန်းဆောင်ရွက်နိုင်မှု အစီရင်ခံစာအား ရှင်းလင်းတင်ပြသည်။
ဆက်လက်ပြီး အသက်(၇၅)နှစ်အထက် အဖွဲ့ဝင် (၄)ဦး၊ အသက် (၇၅)နှစ်ပြည့် အဖွဲ့ဝင် (၁)ဦး၊ မသန်စွမ်း စစ်မှုထမ်းဟောင်းအဖွဲ့ဝင်(၃)ဦး၊ စည်းရုံးရေးကော်မတီဝင် (၉)ဦး၊ နယ်မြေမှူး(၉)ဦး၊အဖွဲဝင်(၁၃၇)ဦး၊ အဖွဲ့ဝင်များ၏ သားသမီးများမှ ၂၀၁၂-၂၀၁၃ ပညာသင်နှစ် တက္ကသိုလ်ဝင်တန်းအောင်မြင်သူ (၁)ဦး ၊ တက္ကသိုလ်တက်ရောက်နေသူ (၆)ဦး၊ အထက်တန်း၊ အလယ်တန်း၊ မူလတန်း တက်ရောက်နေသည့် ကျောင်းသားကျောင်းသူ (၉၂)ဦးတို့အား ငွေကျပ်(၄၆၆၄၀၀၀)နှင့် တပ်နယ်မှ ကျောင်းသုံးဗလာစာအုပ်(၁၁၅)ဒါဇင် နှင့် ခရိုင်အုပ်ချုပ်ရေးမှူး မှ ဗလာစာအုပ် (၅၈)ဒါဇင်တို့ကို တာဝန်ရှိသူများက အသီးသီးထောက်ပံ့ပေးအပ်ခဲ့ကြောင်း သိရသည်။
သတင်းပေးပို့သူ။ ။ ဝေယံလင်းလက်(မိုင်းဆတ်)
