ရှမ်းပြည်နယ်၊ မိုင်းဆတ်ခရိုင်၊ မိုင်းဆတ်မြို့နယ်တွင်  ထိုင်းနိုင်ငံမူးယစ်ဆေးဝါး ထိန်းချုပ်ရေးအဖွဲ့နှင့်
မယ်ဖားလုံဖောင်ဒေးရှင်းတို့၏ စီစဉ်မှုဖြင့်  မြန်မာ - ထိုင်း ရေရှည်တည်တံ့သော အစားထိုးအသက်မွေး ၀မ်းကျောင်း ဖွံ့ဖြိုးရေးလုပ်ငန်းများ ဆောင်ရွက်လျက်ရှိသည့်  '' ၀ '' ဒေသ  မိုင်းထလန်းကျေးရွာအုပ်စုရှိ မိုင်းထလန်း၊ မိုင်းကန်း၊ ယောင်ခ ကျေးရွာများ၌ တိုင်းရင်းသားပြည်သူများအား အခမဲ့ ကျန်းမာရေး စောင့်ရှောက်မှု အခမ်းအနားကို ဩဂုတ်လ ၁၃ ရက်၊ နံနက် ၉ နာရီက မိုင်းထလန်းကျေးရွာ '' ၀ '' စာသင်ကျောင်း၌ ကျင်းပရာ ခရိုင်အုပ်ချုပ်ရေးမှူး ဦးကျော်ကျော်အုန်း က နှုတ်ခွန်းဆက်စကား ပြောကြားသည်။

ဆက်လက်ပြီး မယ်ဖားလုံဖောင်ဒေးရှင်း (မြန်မာ)မှ ညွှန်ကြားရေးမှူး ဦးခမ်းအောင်၊  မယ်ဖားလုံ
ဖောင်ဒေးရှင်း (ထိုင်း)မှ ညွှန်ကြားရေးမှူး Mr.Narong  Apichia  ၊ တောင်ပိုင်း '' ၀ '' နယ်မှ နယ်ဘက်
အုပ်ချုပ်ရေး တာဝန်ခံ ဦးအိုက်တီ နှင့် တောင်ပိုင်း '' ၀ '' နယ် ဆက်ဆံရေးအရာရှိ၊  ဒေသဒုတိယ
အုပ်ချုပ်ရေးမှူး ဦးကျော်လှ တို့က   ကျန်းမာရေးစောင့်ရှောက်မှု စီစဉ်ဆောင်ရွက်ပေးခြင်းနှင့် စပ်လျဉ်းပြီး
ကျေးဇူးတင်စကား ပြောကြားသည်။

အခမ်းအနားသို့   ရှမ်းပြည်နယ်၊ ဒုတိယရဲတပ်ဖွဲ့မှူး (ကျိုင်းတုံ)မှ ဒုတိယရဲမှူးကြီး ကျော်ထွန်း၊  မိုင်းဆတ်ခရိုင်ရဲတပ်ဖွဲ့မှူး ဒုတိယရဲမှူးကြီး မျိုးကြည်၊ မြို့နယ်အုပ်ချုပ်ရေးမှူး ဦးအေးနိုင်၊   ကျန်းမာရေးဝန်ထမ်းများ နှင့် ခရိုင်၊ မြို့နယ် ဌာနဆိုင်ရာဝန်ထမ်းများ တက်ရောက်သည်။

အဆိုပါ  ကျန်းမာရေးဆိုင်ရာ စောင့်ရှောက်မှုပေးရာတွင်  ထိုင်းနိုင်ငံ၊ ချင်းရိုင်ခရိုင်၊ မယ်ဆိုင် ဆေးရုံကြီးမှ ညွှန်ကြားရေးမှူး Dr.Sura Kun Kang Kapan  ဦးဆောင်သည့် ဆရာဝန်များက ဩဂုတ် ၁၃ ရက်မှ ၁၆ ရက်နေ့အထိ  မိုင်းထလန်း၊ မိုင်းကန်း၊ ယောင်ခ ကျေးရွာများရှိ တိုင်းရင်းသားပြည်သူများကို
ပြုစု စောင့်ရှောက်ပေးသွားမည် ဖြစ်ကြောင်း သိရသည်။