တာချီလိတ်မြို့နယ် အမျိုးသားဒီမိုကရေစီအဖွဲ့ချုပ်ရုံး၌ ရန်ကုန်မြို့မှ ရောက်ရှိလာသည့် စာရေးဆရာ သက်ပိုင်ထွန်းသည် သြဂုတ်လ ၂၀ ရက်၊ ည ၇ နာရီခန့်က ဒီမိုကရေစီ၏ အနက်အဓိပ္ပာယ်ဖွင့်ဆိုချက်နှင့် နိုင်ငံရေးအသိအမြင်များကို ဆွေးနွေးဟောပြောသွားခဲ့ရာ ဒီမိုကရေစီသည် လွတ်လပ်စွာ နေထိုင်ခွင့်နှင့် လွတ်လပ်စွာ ရေးသားပိုင်ခွင့် ဆိုသည့် ဖွင့်ဆိုချက် နှစ်ခုတည်းမဟုတ်ကြောင်း နှင့် ဘေးထိုင်ဘုပြော၍ မပြီး မိမိကိုယ်တိုင် နိုင်သည့်ဝန်ကို ၀င်ရောက်ထမ်းရွက်နိုင်မှလည်း နည်းလမ်းကျမည် ဖြစ်ပါကြောင်း စသည်ဖြင့် ရှင်းလင်း ဟောပြောသွားခဲ့ကြောင်း သိရသည်။
အဆိုပါ ဟောပြောပွဲ၌ တာချီလိတ်မြို့နယ်အမျိုးသားဒီမိုကရေစီအဖွဲ့ချုပ် အဖွဲ့ဝင်များ၊ အဖွဲ့ဝင်မဟုတ်သော ဧည့်သည်တော်များ တက်ရောက် နားဆင် မှတ်သားကြသည်ကို တွေ့ရှိရသည်။
