၂၀၁၃ခုနှစ် မြို့နယ်အုပ်ချုပ်ရေးမှူး (ဖလား) ရပ်ကွက်/ကျေးရွာအုပ်စု (အလွတ်တန်း) အမျိုးသား ဘောလုံးပြိုင်ပွဲအား ဇူလိုင်လ ၁၀ ရက်နေ့က စတင်ကျင်းပခဲ့ကြတာဖြစ်ပြီး အဆိုပါပြိုင်ပွဲ၏ ဗိုလ်လုပွဲအဖြစ် သြဂုတ်လ ၂၂ ရက်၊ ညနေ ၃နာရီအချိန်က ပုန်းထွန်ရပ်ကွက် နှင့် ၀မ်ကောင်းရပ်ကွက်တို့ ယှဉ်ပြိုင် ဗိုလ်လုကြရာ ပုန်းထွန်ရပ်ကွက်မှ ၀မ်ကောင်းရပ်ကွက်အား ၂ ဂိုး - ၁ ဂိုးဖြင့် အနိုင်ရရှိသွားကြောင်း သိရသည်။
အစောပိုင်းအချိန်က Old Star အသင်း နှင့် ဌာနဆိုင်ရာအသင်းတို့ အပျော်တမ်း ကစားကြပြီးနောက် ဗိုလ်လုပွဲကို ကျင်းပခဲ့ကြတာဖြစ်ပြီး ပြိုင်ပွဲတွင် တစ်ဖက် တစ်သင်းနှင့်တစ်သင်း အကြိတ်အနယ်ကစားကြရာ ၀မ်ကောင်းရပ်ကွက်အသင်းမှ ဦးစွာ ၁ ဂိုးသွင်းခဲ့ပြီးနောက်မှာတော့ ပုန်းထွန်ရပ်ကွက်မှ ၁ ဂိုးပြန်လည်သွင်းယူခဲ့ကာ အကြိတ်အနယ် အလုအယက် ယှဉ်ပြိုင်နေစဉ်အတွင်း ပုန်းထွန်အသင်းက ၁ ဂိုး ထပ်မံ သွင်းယူလေရာ ၀မ်ကောင်းရပ်ကွက်အသင်းအား ပုန်းထွန်ရပ်ကွက်အသင်းမှ ၂ ဂိုး - ၁ ဂိုးဖြင့် အနိုင်ရရှိသွားခဲ့တာဖြစ်ကြောင်း သိရသည်။
ပြိုင်ပွဲတွင် နေရာအလိုက် အကောင်းဆုံးဆုများကို သက်ဆိုင်ရာအသီးသီးမှ ဆုများပေးအပ်ချီးမြှင့်ခဲ့ကြပြီး ပထမဆု ရရှိသွားသော အသင်းအား မြို့နယ်အုပ်ချုပ်ရေးမှူး ဦးရဲထူး က တစ်ဦးချင်းစီ ဆုများကို ပေးအပ်ချီးမြှင့်ခဲ့ပြီး ဆင့်ပွားဒိုင်းဆုနှင့် ပထမဆုဖလား ချီးမြှင့်ခဲ့ကြောင်း သိရသည်။
ယခုနှစ်တွင် ပုန်းထွန်ရပ်ကွက်မှ အနိုင်ရရှိသွားတာဖြစ်ပြီး ပြီးခဲ့သော ၂၀၁၂က ကျင်းပခဲ့သော မြို့နယ်အုပ်ချုပ်ရေးမှူး ဖလားတွင် အုပ်စု(ခ)မှ ဖန်မင်ဘောလုံးအသင်းနှင့် အုပ်စု(ဃ)မှ မယ်ခေါင်(က)ဘောလုံးအသင်း တွေ့ကြရာ ဖန်မင်ဘောလုံးအသင်းက အနိုင်ရရှိသွားခဲ့ကြောင်း သိရှိရသည်။
ပုံများကိုကြည့်ရန်
Tachileik Online News
web: www.tachileik.net
Facebook: www.fb.com/TachileikNews
Youtube: www.youtube.com/
Email: [email protected]
▬▬▬▬▬▬▬▬▬▬▬▬▬▬▬▬▬▬
